Azaroaren 29an, larunbata, 'Sagardotegi gaua', txotxean zuzenean kupeletik, sagardotegi menuarekin, Bruselako Euskal Etxeak bere egoitzan antolatua.
Euskararen Egunarekin bat eginez, afaldu aurretik, euskarazko bakarrizketak egingo dira, Euskal Herritik etorritako umoristekin, 17:30etik 18:30era.
19:00etatik aurrera afaria hasiko da eta txotxa irekiko dugu. Sagardotegiko ohiko menua izango dugu: sarrerakoak, bakailao tortilla pintxoa eta txorizo pintxoa; ondoren txuleta eta amaitzeko gazta, irasagarra eta intxaurrak postrean. Eta noski sagardo askorekin denontzat!
Afalostean, euskal musika eta barra izango dira, ardo, kalimotxo, garagardo eta abarrekin.
Sarrera bakarrizketetara, edo afaltzeko (sagardo eta afaririk gabe) edo afalosteko festarako, doan da Euskal Etxeko kideentzat, edo 5 euro kide ez direnentzat (ez da erreserbarik egin behar, bertan ordaindu ahal izango da).
Ez huts egin… zure zain gaude! txoootx!
Ez ahaztu txotx afarirako txartelak aldez aurretik erostea!
Lagun bati bidali
Komentarioa gehitu
