Ostegun honetan segitzen du aste osoan zehar Comodoro Rivadaviako Euskal Echea (sic) elkartearen 95. urteurrena ospatzeko antolatutako programak. Hau da gaurko proposamena:
Ostegunean, maiatzaren 17a, kirolen eguna izango da. 18:30etan, etxeko pilotari handi izan zen Santiago Gil Lobera gogoratuko dugu. Bere seme Ricardok pilota erakustaldi bat egingo du eta beste hiru lagunekin joko honen nondik norakoa azalduko die bertaratzen den publikoari, partida jokatuz.
Ondoren, mus txapelketa bati ekingo zaio --nola euskal festarik egin musak berez dagokion lekua izan gabe!
Eta ostegunean bertan, omenaldia egingo zaie elkarteko lehendakari ohi eta erregin ohiei eta mural bat estreinatuko da euren argazkiekin.
Facebook: https://www.facebook.com/centrovascocr