NABO Asteroko gure kolegek gogorarazten digutenez, Chino Basque Club euskal etxeak "Michel Mus Madness" musaldia eta euskal gosaria (bazkaltzeko tenoreetan) antolatu du igande honetan, urtarrilaren 27an, goizeko 9etatik gaueko 8ak arte elkartearen egoitzan. Musaldia goizeko 9etan hasiko da, 12:00etan gosaltzeko tartea egingo da eta ondotik musarekin segituko da 8ak inguru arte. Musean aritzea doanik da; bazkaria, 20 dolar heldentzat, 10 haurrentzat. Argibide gehiago eta erreserbak hemen.