Urtarrilaren 29an, osteguna, 18:30ean, Izaskun Arrue Kulturgunean (Gasteiz), euskararen biziberritzearen inguruan, Beñat Garaiok, Aotearoan (Zeelanda Berria) egindako ikerketa-lanaren emaitzak aurkeztuko ditu.
Ekimena Eusko Ikaskuntza–Laboral Kutxa Gaztea Sariaren baitan kokatzen da.
Izan ere, Beñat Garaio ikertzaileak "Kia ora, e hoa: māoriera eta euskararen biziberritze prozesuak elkarlotzen" proiektuagatik eskuratu zuen 2023ko Eusko Ikaskuntza–Laboral Kutxa Gaztea Saria.
Bere aurkezpenaren ondoren, Itziar Idiazabal mintzatuko da, EHUko irakasle emeritua, ohorezko euskaltzaina eta hizkuntzalaritza aplikatuan eta hizkuntza-politiketan aditua.
Amaitzeko, bertaratutakoekin solasaldia eta eztabaida egiteko tartea izango da.
Saioa euskaraz izango da. Edukiera mugatua denez, izena eman behar da aurretik.
EGITARAUA
- 18:30 Saioaren aurkezpena eta Humanitateen, Kulturaren, Arteen eta Gizarte Zientzien Eusko Ikaskuntza–LABORAL Kutxa Sarien edizio berriaren aurkezpena
- 18:40 Beñat Garaioren aurkezpena: Aotearoako egonaldia eta bertatik ekarritako ondorioak
- 19:10 Solasaldia: Hizkuntzen biziberritzearen inguruko hausnarketak (Beñat Garaio - Itziar Idiazabal)
- 19:40 Publikoarekin eztabaida
Lagun bati bidali
Komentarioa gehitu
