Martxoaren 6an, ostirala, "Lurdes Iriondo, ez gera alferrik pasako" dokumentala (Inge Mendioroz zuzendari, Idoia Garzes gidoigile) pantailaratuko du Buenos Airesko Euskaltzaleak elkarteak Martxoaren 8a ospatzeko antolatu duen bere ohiko Topaketan.
20:00etan hiriburuko Bernardo Irigoyen 826an, sarrera libre, guztiak gonbidatuta zaudete!
Martxoaren 8aren harira antolatutako ekintzen baitan, "Lurdes Iriondo, ez gera alferrik pasako" dokumentala estreinatuko du Euskaltzaleak-ek. Inge Mendioroz zuzendari eta Idoia Garzes gidolari, Ez dok amairu mugimendu sozial eta artistikoko emakume gutxietako bat izan zen Lurdes Iriondoren (Donostia, 1937 – Urnieta, 2005) bizitza eta ondarea jorratzen ditu filmak.
Euskal kultura ardatz eta genero-ikuspegiarekin 2025eko Donostiako Zinemaldiko Zinemira saila inauguratu zuen film honek, artista eta emakume feminista baten memoria berreskuratzera gonbidatzen gaitu.
Lagun bati bidali
Komentarioa gehitu
