euskalkultura.eus

Ostegun honetan, Etxepare Euskal Institutuak, Institut Ramon Llullek, Consello da Cultura Galegak eta Instituto Cervantesek lan-bilera presentziala egingo dute azken erakunde honen Berlingo egoitzan. Horrekin batera, mahai-ingurua antolatu dute Espainiako Estatuaren errealitate eleaniztunari eta Europako hizkuntza-aniztasunari buruz arratsaldeko 7etan: “Komunikazioa eta aniztasuna. Eleaniztasunaren etorkizuna Europan”. Jendaurreko saioa zuzenean eskainiko da Instituto Cervantesen Youtubeko kanalean.