Pandemia dela eta aurten modu birtualean egingo da Guadalajarako Nazioarteko Liburu Azokan (FIL), Mexikon. Etxepare Euskal Institutuaren eskutik, Karmele Jaio idazle gasteiztarrak programa ofizialeko ‘Los lectores presentan’ atalean parte hartuko du abenduaren 1ean, 12:30etan Mexikoko orduan, eta 19:30ean Euskal Herrikoan. Online saioan hiru irakurlek, liburua aldez aurretik irakurri eta gero, “La casa del padre” (Karmele Jaiok berak itzulita) aurkeztuko dute. Gero solasaldia antolatu dute idazlea eta publikoaren artean.
Ikusi Azokaren programa osoa, hemen.