UNRko (University of Nevada, Reno) Jon Bilbao Euskal Liburutegiak Ander Beristain doktorearen hitzaldi bat iragartzen du urriaren 8an, osteguna, arratsaldeko 4:00etan, UNR Mathewson-IGT Knowledge Centerreko hirugarren solairuan. Ander Beristain doktorea Nevadako Unibertsitateko (Reno) Jon Bilbao Katedrako aurtengo ikertzaile gonbidatua da. Ikerketa-egonaldian, Ipar Amerikako euskal diasporaren testuinguruan hizkuntzaren garapena, eskuratzea eta belaunaldien arteko transmisioa aztertuko ditu, haur zein helduen artean.
Beristain doktorea Saint Louis Unibertsitateko Espainierako eta Hizkuntzalaritzako irakasle elkartua da.
Hitzaldia ondare-hizkuntzen transmisioan zentratuko da, hain zuzen ere Estatu Batuetako euskal diasporan euskarak duen egoeran.
Bertaratu nahi baduzu, bidali mezu elektroniko bat helbide honetara: basquelibrary@unr.edu
Lagun bati bidali
Komentarioa gehitu
