Abenduaren 2an, larunbata, bilduko ditu kide eta lagunak Chacabucoko Guillermo Larregui Euskal Etxeak Urte Amaierako Jaia eta Euskararen Nazioarteko Eguna ospatzeko. Kantinan plater tipikoak ipiniko dira eskuragai, tartean tripakiak, pintxoak eta mota askotako postreak. Zuzeneko musika ere egongo da, Mara Romero abeslariaren eskutik, eta dantzariek urteko azken emanaldia eskainiko dute. Karaokeak eta zahato txapelketak ere alaituko dute jaia.
Hitzordua 21:30etan da, Euskal Etxearen egoitzan, Remedios Escalada de San Martín kaleko 230. zenbakian