Martxoaren 25ean, asteazkena, 'Elai Alai' eta 'Karmele' filmak ikusteko aukera Nantesko Graslin Operan, Espainiar Zinemaldiko Euskal Lehioa, Etxepare Euskal Institutua lagun.
Euskal leihoak 25 urte bete dituen edizio honen baitan, guztira, 20 euskal ekoizpen izango dira martxoaren 21etik 29ra egingo den zinema-jaialdian, eta euskal zikloaren efemeridea goratzeko, hiriko Graslin operako antzokian euskal zinema-sorkuntzari eskainiko ekitaldi berezia antolatuko dute gaur martxoaren 25ean, 19:00etan.
Lehenik, Euskadiko Filmategiak Frantziako Zinematekatik berreskuratutako Nemesio Manuel Sobrevilaren ‘Elai Alai’ (1938) film dokumentala eskainiko da, Joserra Senperenak lagunduriko zuzeneko piano-emanaldiarekin. Gerraren ondorioz erbesteratutako Gernikako Elai-Alai haur dantza taldeko irudiak eskaintzen ditu zintak, baita Eresoinka abesbatzako kideenak ere.
Filmaren soinurik gabeko pasarte zenbait Joserra Senperenak musikatuko ditu zuzenean, berariaz ondutako konposizioa interpretatuta. Izan ere, Euskadiko Filmategiak 2012an ‘Elai Alai’-ren hainbat atal sonorizatu egin zituen, ordura arte Frantziako Zinematekaren negatiboak ez baitzuen soinurik batere.
Ondoren, ‘Karmele’ filma aurkeztuko da, Asier Altuna zuzendariaren eskutik. 2025. urtean estreinatutako zintak Karmele Urresti eta Txomin Letamendiren bizitzako pasarte batzuk pantailaratzen ditu, horiexek ere gerra-testuinguru bertsuan bizitakoak. ‘Karmele’-k Kirmen Uribe idazlearen ‘Elkarrekin esnatzeko ordua’ eleberria du ardatz.
Lagun bati bidali
Komentarioa gehitu
