Antolatzaile, PDX Basque Club. Portlandeko jende talde batek elkarretaratzea antolatu du apirilaren 13an, larunbata, 17:00etan, hiriko Botellon Tabernan (160 NE 6th Ave, Portland, OR 97232-3488), inguruan bizi diren euskaldunei, euskaltzale eta euskal konexiodunei dei eginez arratsaldepasa bat egin, pintxo eta edari batzuk partekatu (alkoholdunak zein gabeak), solastu eta elkar ezagutzeko, gauza hor gera dadin, edo denborarekin aukerak aztertzeko agian urrats berriak emateko eta elkarte bat sortzen joan eta egonkortzeko, ala orain arte bezala segitzeko. Aurretik bildutakoak dira, konpromisorik gabe, momentu goxo batzuk pasatzeko euskal moldean, agian euskaraz, edo euskal gaiak aipatuz edo San Fermin eta bestelako festak ospatuz. Izan zen lehenago Euskal Etxea Portland-en, baina urteak dira aktibitaterik gabe zendu zela. Informazio gehiago, hemen.