Urriaren 26an, ostirala, 19:00tan, Tabakalerako Kutxa Kultur plazan (4. Solairua), kontzertu-mahai ingurua egingo da, eta euskal emakume konpositoreek sortutako musika ondarearen difusioa izango du ardatz.
Ezagutzen den XVIII. mendeko emakume konpositore bakarraren obrak entzungai izango ditugu, Mme. Mazarredorenak, hain zuzen ere. Horrez gain, Julie Adrienne Carricaburu, Emiliana Zubeldia eta Mª Luisa Ozaitaren obrek ere lekua izango dute. Emiliana Zubeldiak bere lan ibilbidea Mexikon garatu zuen, eta Mª Luisa Ozaitak emakume musikagileen sorkuntza sustatu izan zuen Madrildik. Leire Rivas (sopranoa) eta Gotzone Higuera (pianista) izango dira interpreteak. Emakume musikagileek egun dituzten arazoen inguruan mintzatuko dira Gotzone Higuera, eta Isabel Urrutia eta Zuriñe F. Generabarrena konpositoreak.
Jarduera hau Ondarearen Europako Jardunaldien testuinguruan gauzatuko da. Eresbilek ospakizun honekin bat egiten du, bere baitan jaso eta berreskuratzen duen musika ondarea herritarrei azaleratzeko xedez. Mª Luisa Ozaitaren lanak eta funts dokumentala 2006tik aurrera hasi zen sartzen Eresbilera Iaz zendu zen Barakaldoko musikagilea Asociación Mujeres en la Música elkartearen sortzailea izan zen. Bere funtsak emakume askoren lanak jasotzen ditu, oraindik ere, hein handi batean “ondare ezkutua” direnak.
Eresbil – Musikaren Euskal Artxiboa
Alfonso XI, 2
20100 - Errenteria (Gipuzkoa)
+34 943 000.868
www.eresbil.com
Lagun bati bidali
Komentarioa gehitu
