Ekainaren 6an, asteazkena, David Romtvedt eta Caitlin Belem Romtvedt-en emanaldia 18:00etan Sheridan Konderriko Fulmer Liburutegi Publikoko Inner Circle-n, Ameriketako musikak, euskal, kubatar, cajun eta bestelako doinuak joz eta kantatuz.
David Romtvedt Buffaloko (Wyoming) Zaharrer Segi dantza taldeko soinujolea da. Euskaraz ongi ikasitako gizona, eta aditua munduko musiketan, jotzaile trebea den eta ahots ederreko bere alaba Caitlin Belem Romtvedt-ekin batera euskal errepertorio zabala dauka, baina baita ere munduko musiketakoa. Aitak zein alabak hainbat instrumentu jotzen dituzte. Beste hainbat CD artean, azkenetako bat euskal folk musika CD bat da, AEBetan grabatua.
Caitlin Belem Romtvedt Seattle-ko Northwest Folklife Festival-eko antolakuntzan ari da lanean.