Larunbat honetan, Chacabucoko Guillermo Larregui Euskal Etxearen 31. urteurrena da eta online ospatuko dute. Arratsaldeko 15:30etatik aurrera bideoak partekatuko dituzte sare sozialetan: agintarien agurra, euskal dantzak, batzordeko kide ohien agurrak. Argazkiak ere partekatuko dituzte, haien ekimenak erakusteko eta Euskal Etxearen historia gogoratzeko. Bideoak eta argazkiak Euskal Etxeko Facebooken eta Instagramen.