Boiseko euskal etxe eta komunitatean, Oinkari taldea erreferentzia da euskal dantzari dagokionez, eta 14 urtetik gora onartzen ditu kideak. Horren aurretik, haur eta gaztetxo dantzariak Boiseko Gazteak taldean eta dauzkan azpitaldeetan trebatzen dira.
Boiseko Gazteak-ek irailaren 2an zabaldu du epea 2025an taldeko parte izateko izena eman nahi duten haurrentzat, eta irailaren 16an itxiko.
Izen-emate orriak esteka honetan daude. Boiseko Gazteak-ekin dantzatzeko, gurasoak/tutoreak (EZ aitona-amonak) Euzkaldunak-eko kide behar dute izan. Euzkaldunak-eko kide ez bazara, kide egin zaitezke Patty Gabicarekin harremanetan jarriz (secretary@basquecenter.com) edo Euzkaldunak-eko kide izateko izena emanez Boiseko izen-ematean irailaren 16ko arratsaldean.
Gogoratu hauek direla Boiseko Gazteak-eko azpitaldeak:
- Txikitxuak (sic) 4-5 urte bitartekoak (gutxienez 4 urte izan behar dituzte 2025eko urriaren 1erako)
- Azkarrak (sic) 6-7 urte
- Txulitoak (sic) 8-10 urte
- Nagusiak (sic) 11-14 urte
Lagun bati bidali
Komentarioa gehitu
