Irailaren 1ean, astelehena, zabalduko ditu ateak Bilbon, ExpoDistritoren baitan, Basques in Australia" erakusketa ibiltariak. Ez da leku bakarrean geratuko, orotara bost geraleku izango baititu, esan nahi baita La Bolsa, Errekalde, Begoña, San Ignazio-Ibarrekolanda eta Abandoko udaltegiak.
Honela aurkezten du bere burua "Erakusketa hau osatzen duten 10 paneletako bakoitzean gai bat garatzen da, non irudi bakoitzak, izen bakoitzak, leku bakoitzak Australiara emigratu zuten gizon eta emakumeen historia komun eta aldi berean berezi horren zati bat irudikatzen duen. Bizitza baten zatiak. Komunitate honen oroimenean, identitatean eta bizipenetan egin den ibilbide bisuala eta emozionala. Nahiko ezezaguna den diaspora honen giza eta kultur ondareari balioa ematen zaio erakusketa honen bidez, haien pasadizoak eta istorioak publikori hurbilduz". Kronograma:
- Irailaren 1etik 12ra La Bolsa Udaltegia
- Irailaren 16tik 30era Errekalde Udaltegia
- Urriaren 17tik 30era Begoña Udaltegia
- Azaroaren 3tik abenduaren 4ra San Ignazio-Ibarrekolanda Udaltegia
- Abenduaren 9tik 10ra Abando Udaltegia
Erakusketa, Euskal Australiar Alkartearen eta Eusko Jaurlaritzaren (Kanpoan den Euskal Komunitatearentzako Zuzendaritza) lankidetzari esker egin ahal izan da, eta tokian tokiko euskal etxe, elkarte eta udalak partaide, oraingoan Bilboko Udala. Panelen itzultzaile, John Etxeandia. Erakusketako komisario, Esther Korta.
Interesa baduzu erakusketa zure euskal etxe, udal edo elkartean errezibitzeko, aski duzu idaztea euskalaustraliaralkartea@gmail.com helbidera edo Esther Kortarekin kontaktatzea (+34) 636 132 739 zenbakian. Erraztasun guztiak ematen dituzte. Animatzen galdetzera?
Lagun bati bidali
Komentarioa gehitu
