euskalkultura.eus

Ahozko istorioetako batek dio egurrezko eraikin hau 1895ean ekarri zutela Virginia City-tik Genoa-ra eta gero Gardnervillera. 1954an John eta Grace Jaunsaras eta Jimmy eta Grace Trounday senar-emazte euskaldunek erosi (horregatik J T izena, Jaunsaras eta Trounday) eta euskal ostatu bilakatu zen. 1960an Jean (& Shirley emaztea) eta Pete Lekumberry anaia ortzaiztarrek erosi zuten. Pete Euskal Herrira itzuliko zen eta Jean-ek lekua atxiki zuen. 1993an Jean bihotzeko batek hil zuen eta. geroztik bere seme-alabek, Marie Louise eta JB Lekumberryk, segitzen dute. Tabernak eta jatetxeak Mendebaldeko giroa dauka, pianoa ere badu. Musikagailu bat bertako ezaugarri da, euskal eta amerikar musikez. Kapela eta diru-paper bilduma bat ere biltzen ditu JTk, diru-paperak sapaiatik eskegiak. Urtetan Herria astekaria ere prest egon ohi zen barrako alde batean, bezeroen irakurgai. Kanpoan eta barnean dauzka eserlekuak. Mary Louisek euskara mintzo du eta zerbait frantsesa eta espainola. Bere aitak esan ohi zuen, eta hala erabiltzen zuen JT-ren iragarki, euskaraz: "Andereak ez du ongi kozinatzen/ Ez da hortako dibortzatzen/ Segur nahi du promenatzera/ Ekarri JTrat afaltzera".

Helbidea: 1426 Main Street

Hiria: Gardnerville

Hiri kodea: 89410

Estatua/Probintzia: Nevada

Herrialdea: Estatu Batuak (AEB)

Telefonoa: +1 775 782 2074

Web: ikusi

Facebook: ikusi

Twitter: ikusi

TripAdvisor: ikusi