Sydney, Australia. Sydneyko Gure Txoko Euskal Etxeak bere Urteko Biltzar Nagusia egin berri du elkartearen egoitzan. Hizpide hartutako gaien artean, elkartea gobernatzeko karguen eta Zuzendaritza Batzordea berritzekoa ere zegoen, eta bildutakoek egungo lehendakariari eta Zuzendaritza Batzordeari konfidantza ematen jarraitzea erabaki dute. Segitzen dute, beraz, elkarteko buru Estefania Martino, lehendakari; eta Manu Martin, lehendakariorde, Gure Txoko bere ibilbideko 53. urtean sartu den honetan.
Euskal etxetik bertatik EuskalKultura.com-i adierazi zaionez, bazkideak joan den hiru urteetan zuzendari ari den taldearen lanari balioa eman ta egonkortasunaren aldeko apustua egin dute. Honela osatua geratzen da, beraz, azaroaren 18an hautatutako Zuzendaritza Batzorde berritua:
-Lehendakaria: Estefania Martino
-Lehendakariordea: Manu Martin
-Diruzaina: Jose Goikoetxea
-Diruzainordea: Beñat Oliveira
-Idazkaria: Aitor Aramburu
-Idazkariordea: Izaskun de Allende
-Batzordekideak: Jagoba Landa eta Jon Urrejola
Lagun bati bidali
Komentarioa gehitu
