Reno, Nevada, AEB. Irailaren 30a izango da azken eguna idazlan originalak aurkezteko Nevada-Renoko Unibertsitateak (UNR) antolatutako 2022ko Euskal Idazkuntza Lehiaketan. Gogora dezagun Nevada-Renoko Unibertsitateko CBS Euskal Ikasketa Zentroak urtero plazaratzen duen lehiaketa honetara euskal gaiko ingelesezko testuak aurkez daitezkeela eta hiru sari bereizten dituela edizio oro, hiruei argitaratuak izateko aukera emanez. Saridunen izenak azaroan emango dira aditzera.
Hiru lan gailenduko dira, bakoitza honela hornitua
-Lehenengo saria: CBSko Argitaletxearen liburuetan 500 dolarreko txartela eta lana argitaratzeko kontsideratuko da
-Bigarren saria: CBSko Argitaletxearen liburuetan 150 dolarreko txartela eta lana argitaratzeko kontsideratuko da
-Hirugarren saria: Euskal literatura liburu sorta eta lana argitaratzeko kontsideratuko da
Arauak (ikus hemen)
-Aurkeztutako lanek originalak behar dute izan eta argitaragabeak
-10.000 eta 100.000 hitz bitartekoak
-Lanak argi identifikatuta behar dira aurkeztu, eta entregatu kartazal edo email bat lagun dutela, egilearen izena eta kontaktubideekin. Lanean ez dira datu horiek adieraziko
-Aurkeztutako lanak ez dira bueltatuko. Mesedez kopiak bidali
-Generoa edozein izan daiteke, hala nola, baina adibide gisa bakarrik: literatura fikzioa, kontaketa labur bildumak, ez-fikzio kreatiboa, memorioak, haur literatura...
Lehiaketa elkarrekin deitzen dute Nevada-Renoko Unibertsitateko William A. Douglass Center for Basque Studies-ek eta Boise State University-ko (BSU) Basque Studies Program-ek.
Lanak basque@unr.edu helbidera behar dira bidali; edo bestela posta arruntez hona:
Center for Basque Studies
University of Nevada, Reno / MS 2322
1664 N. Virginia Street
Reno, NV 89557-2322
2021eko edizioko irabazlea Kathleen Epelde izan zen bere obra 'Time Talk'ekin. Lana gutxi barru egongo da erosgai CBSren denda birtualean.
-Lehiaketari buruzko informazio osoa eta xehetasunak, hemen
Lagun bati bidali
Komentarioa gehitu
