euskalkultura.eus

euskal diaspora eta kultura

Albisteak rss

8M Diasporan: afariak, omenaldiak eta aldarrikatu eta Emakumeen Martxetan parte hartzeko deialdiak

2018/03/08

Emakumeen Martxan parte hartzeko Euskaltzaleak-en deialdia

Euskal etxe ugarik egingo dute bat gaur Emakumearen Egunarekin, kontzientziazio eta inplikazio maila desberdinez. Buenos Airesko Euskaltzaleak-etik, Sandra Fernandez-ek borroka feministaren jarrera atxikienak defendatzen ditu, euskal etxe barrutik: “Erakundeek ezin diote muzin egin euren inguruko errealitate politiko eta sozialari. Izan ere, nire ustez, errealitate hori ezagutzeak jarrera hartzera behartzen zaitu. Honelako ekimenek aberastu egiten dute taldea eta euskal etxearen proiekzioa bera”, baitetsi digu

Gehiago irakurri...


Kubako Euskal Etxeak Emakumeen Eguna ospatuko du eta Kultura Astea iragarri du 2018ko Aberri Egunerako

2018/03/08

Renato Garcia Eguzquiza Habanako Euskal Etxearen aurreko ekitaldi batean

Kubako Euskal Etxeak --Habanako Ongintzako Euskal Elkarteak-- bere behin-behineko egoitzan gauzatuko duen ekitaldi batez egingo du bat gaur arratsaldean Emakumearen Nazioarteko Egunarekin. Horrekin batera, Habanako euskal elkarteak martxo hondarrean antolatuko duen Aberri Eguneko Kultura Astea ere iragarri du, martxoaren 26an hasi eta Bazko igandez, apirilaren 1ean, amaitzeko.

Gehiago irakurri...


Eusko Jaurlaritzak "Euskadi Esperientzia" aurkeztu du Berlingo ITB Azokan, Bilbao Turismo ere partaide

2018/03/07

Euskadiren stand-a Berlingo ITB Azokan (arg. Irekia)

Eusko Jaurlaritzako Turismo, Merkataritza eta Kontsumo sailburu Alfredo Retortillok inauguratu du gaur goizean Berlingo ITB Turismo Azokako Euskadiren standa, Basquetour-eko zuzendari Harkatz Millan lagun zuela. Euskadin % 44 egin du gora azken 6 urteotan Alemaniatik etorritako turista kopuruak. Gehienak ahoz aho transmititu diote elkarri "Euskadi Esperientzia". Bilbao Turismok ere bere eskaintza azokaratu du.

Gehiago irakurri...


2018an ere, martxotik hasita, euskal errezetak prestatuko ditu ostegunero Marita Echavek Coronel Moldeseko lagunentzat

2018/03/07

Marita Echavek astero prestatzen dituen euskal platerrak

‘Euskal baserrietako sukaldaritza’ liburuaren egileak 2017aren hasiera jarri zuen martxan proiektu pertsonal hau: ostegunero eta aldez aurretik enkargua egin diotenei bere liburuko errezeta bat prestatzen die Marita Echavek. Proposamena apal hasi zen baina denborarekin eskaera egiten zutenen zerrenda handiagotuz joan zen. Echaveren esanetan, “etxeko janaria da, jende askorengana iritsi ahal gara eta polita litzateke euskal etxeek hau bezalako proiektuak abian jartzera animatzea”.

Gehiago irakurri...


Bilboko Mendi Film-eko zuzendari Jabier Baraiazarra nazioarteko mendi zinemaldien presidente hautatu dute

2018/03/06

Jabier Baraiazarra

International Alliance for Mountain Film (IAMF) nazioarteko mendi zinemaldien elkargoak Jabier Baraiazarra izendatu du presidente, joan den asteburuan Eslovenian egindako batzarrean. IAMFren estaldura bost kontinenteetara heltzen da eta 18 herrialde ordezkatzen dituzten 23 mendi zinemaldi dauzka kide, gehi Torinoko Musseo Nazionale della Montagna, tartean eta 2011etik, Bilbao Mendi Film Festivala.

Gehiago irakurri...


Ayacuchoko Euskal Odolaren egoitza berria estreinatuta etxeko dantzari, bazkide, lagun eta hautetsiak partaide

2018/03/06

Euskal Odola Euskal Etxearen egoitza berriaren inaugurazioa (argazkia Ayacucho al Día)

Ayacuchoko Euskal Odola Euskal Etxeko kideek asteburuan inauguratu dute euren egoitza berria. Inaugurazio ekitaldia elkartearen kalean egin da, eraikin dotorearen aurrean, publiko ugari lagun. Euskal Etxera sartzeko momentuan, Euskal Odolak-ek izan zuen lehenengo lehendakariak, Mariano Oillataguerrek, eta egungoak, Ignacio Echevarriak elkarrekin moztu dute zerrenda, Ayacuchoko egungo alkate Emilio Cordonnier eta alkate ohi Pablo Zubiaurre lagun (ikus argazki sorta)

Gehiago irakurri...


Euskara eskolak abiatzear Argentinan: hona hasierako taldeak, aurreratuak, eta proiektura gehitu diren erakunde berriak

2018/03/05

La Platako eta San Nicolaseko euskal etxeetako euskara klaseen afixak

Martxoan sartzearekin batera uda bukatu eta 2018 ikasturtea hasiko da Argentinan, eta testuinguru horretan euskara irakasleak ziklo berriaren antolakuntzan zinez daude murgilduta. Herrialde osoan daude sakabanatuta euskal etxeak eta gehienetan eskaintzen da euskara ikasteko aukera. Bateon batean ez badago, ez ahaztu on line ikastaroak ere badaudela etxetik atera gabe euskara eta euskal kultura ezagutzen hasteko. Buenos Aires probintziako Olavarria hirian lehen aldiz irakatsiko dute, UNICEN-Universidad Nacional del Centro Unibertsitatean.

Gehiago irakurri...


Aiko Taldeak 'Dantza mokauak' antolatu du asteburuan, dantza menu osotu batean murgiltzeko ikastaro trinkoa

2018/03/02

Patxi Laborda dantza maisua Aiko Taldeaaren ikastaro batean irakasle

Patxi Laborda, Sabin Bikandi, Katalin Zarate eta Anartz Ormaza izango dira 'Dantza mikauak'eko irakasle larunbat eta igande honetan Areatzan (Bizkaia), "ikasteko metodologia dibertigarria, argia, erraza eta bizi garen mundurako egokia" erabiliz. Larunbat gauean, gainera, jendeari zabaldutako erromeria irekia eskainiko da, ikastarokieek euren aurrerapenak praktikatu eta oro har partaideek dantza herrikoiekin gozatu ahal izan dezaten. Aiko Taldea erreferentziazko talde bat da euskal dantza tradizionalak sustatu, irakatsi eta transmititzeko lanetan.

Gehiago irakurri...


Hitzaldi batekin ekingo dio asteartean 2018ko bere egitarauari Buenos Airesko Juan de Garay Fundazioak, abuztuan 35 urte betetzeke

2018/03/02

Universidad del Esteko Euskara eta Euskal Kulturari buruzko katedrako Carlos Irisarri arduraduna ikastaroaren inaugurazioan

Juan de Garay Euskal-Argentinar Fundazioak 35 urte beteko ditu datorren abuztuaren 16an eta elkarretaratze bat eginez ospatzeko asmoa dauka bazkide eta adiskideak bildurik. Buenos Airesen egoitza duen erakundeak 2018 urterako plangintza aurreratu du, tartean asteroko hitzaldien programa, datorren astean abiatu eta urtea bukatu arte asteartero garatuko duena. Datorren asteartean ikasturteari hasiera emango dion hitzaldia "Euskaldunak eta ItsasArmada Handia" izenburuduna izango da, Jorge Beramendi hizlari.

 

Gehiago irakurri...


Gaur da eguna eta ordua AEBetako NABO Udalekuan izena emateko: arratsaldeko seietan zabalduko da epea

2018/03/01

Iazko Udalekuko irudi bat Kaliforniako Chinon

Zabaldu eta itxi. Di-da. Azken urteotan, 10-15 bat minutu baizik ez du iraun zabalik, tarte horretan bete baitira eskaintzen ziren lekuak. Arratsaldeko seietan epea zabaltzen denean (AEBetako Mendebaldeko orduan: Euskal Herrian ostiraleko goizaldeko 3ak), berehala, azkar eta denbora batere galdu gabe behar da bururatu izen-ematea. NABOn Udalekuz arduratzen den Valerie Etcharren Arrechea-ren esanetan --Kate Camino da kozuzendaria--, azken urteotan ez da haurrik kanpoan geratu, baina arrisku hori beti dago airean.

Gehiago irakurri...


© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia