euskal diaspora eta kultura
2015/10/29
Renoko Unibertsitatean (Nevada, AEB) dagoen Center for Basque Studies edo Euskal Ikasketen Zentroak izen berria izango du azaroaren 3tik aurrera. Instituzioko arduradunek hala erabakita, William A. Douglass eta Jon Bilbao sortzaileen izena emango diote: lehenak zentroa berbataiatuko du eta, bigarrenak, liburutegia. “Ilusio handia ematen digu. Egin duten lana eskertzeko modu egokia dela iruditzen zaigu”, esan dio Sandra Ott-ek, CBS-ko barne harremanetarako zuzendariak, EuskalKultura.com-i.
2015/10/29
Euskal dantza, musika kontzertu bat, Korrika Txikia, herri bazkaria... horiek dira Txileko Santiagoko Euzko Etxeak prestatu duen 2015eko Euskal Astearen egitarauaren zati txiki bat. Ospakizunak azaroaren 19an hasiko dira eta gonbidatuen artean Bizkaiko Ahaldun Nagusia, Unai Rementeria izango da. Irekiera ekitaldian euskal sukaldariek prestaturiko gastronomia dastaketa egingo da.
2015/10/29
Bolivar, Mar del Plata eta Rosarioko nafar dantzariek bat egingo dute Buenos Aireskoekin hiriburuko Nafar Etxearen 120. urteurreneko ikuskizunean dantzatzeko. Dantzaldia azaroaren 7an izango da, Moreno kaleko egoitzan. Hau, ordea, ez da urtemuga ospatzeko erakundeak antolatutako ekintzetako bat baino. Urtebetetzeko programaren barruan, Pilota Txapelketa, taberna, meza, eta oturuntza ere badaude.
2015/10/28
70. hamarkadan Miamiko frontoietan aritzen pilotariak rock izarrak bezala ziren: dirua barra barra irabazten zuten, festetara gonbidatzen zituzten... Gaur egun ordea, gainbehera etorri da zesta-puntaren mundua, bai behintzat AEBetan. "Jai Alai Blues" dokumentalak kamara aurrean jarri ditu pilotariak, Mexiko, Kuba eta AEBetako frontoien historia barrutik kontatzeko. Bihar Bilboko Azkuna Zentroan estrenatuko da eta azaroaren 6ean Euskal Herriko zinematara iritsiko da.
2015/10/28
Ostiral honetan, urriaren 30ean, aurkeztuko da Chivilcoyko Beti Aurrera Euskal Etxean “Sueños, hechos… y palabras” (Ametsak, ekintzak… eta hitzak) izeneko poesia liburu elebiduna, gaztelania/euskara. Aurkezte ekitaldian, testu originalak euskaratzeaz arduratu den Andrea Bella irakasle uruguaitarrak izango du olerki bilduma aurkezteko ardura.
2015/10/27
Eusko Jaurlaritzak astearte honetako Gobernu Kontseiluak, Jaurlaritzako ordezkaritza batek Argentinara aste honetan egingo duen bidaia hartu du hizpide. Josu Erkoreka Justizia sailburua eta Gobernuko eleduna buru, ordezkaritzak 2015eko Euskal Argentinar Aste Nazionalean hartuko du parte La Pampako Macachin herrian, FEVA Euskal Argentinar Erakundeen Federazioak eginiko gonbite bati erantzunez.
2015/10/27
Bartzelonako Euskal Herria Sona musika jaialdiak 18 urte bete ditu eta aurten ezustekoz beteriko edizioa prestatu du Euskal Etxeak urtemuga hau ospatzeko. Aurreneko ezustekoa ostegun honetan bertan izango da, azken unera arte sekretua izan den kontzertu batekin: Gatibu talde gernikarrak doako emanaldia egingo du kalean, jaialdiari hasiera emateko. Eta datozen egunetan, askoz gehiaho: Oskorri, Korrontzi, Jabier Muguruza, Anari...
2015/10/27
Osatze prozesuan dago Benito Juarez herriko euskal taldea baina hala ere komunitatearekiko duen engaiamendua ondo asko betetzen du. Izan ere, azken bi urteetan egin bezala, Euskal Juarez izenpean bilduta dauden herriko euskal jatorrizko lagunek parte hartuko dute aurten ere Kolektibitateen Ekitaldietan. Hitzorduak azaroaren 9an –Erakusketa Estatikoa– eta 14an –Gizataldeen Afaria– izango dira.
2015/10/27
Teknologia berriez baliaturik, bi gai zehatzei buruzko informazioa biltzen duten bi blog kudeatzen ditu nafar sustraiak dituen Fernando Lizarbe jeltzale rosariotarrak. Eurosare deitu duen blogean, Europa mendebaldeko estaturik gabeko nazioak –zehazki Katalunia, Eskozia eta Euskadi– hartzen ditu ikergai Zazpirak Bat-ko kide ere baden Lizarbek; bestean, Nafarroan Uxue Barkos gobernuburua buruzagi duen Geroa Bai koalizioaren azken nobedadeak argitaratzen ditu.
2015/10/26
Iragan urriaren 17an Bruselako Euskal Etxeak bere aurreneko Sagardotegi Gaua egin zuen eta elkarteko kide eta lagunen erantzunak aurreikuspen guztiak hautsi zituen. Elkarteak 60 bat lagunentzako lekua prestatu bazuen ere, azkenean ia 100 lagun bildu ziren bertara eta euskal etxeak denak hartu zituen. Bilkuran elkartearen aurkezpena egin zen eta lan molde berriak proposatu ziren.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
