euskal diaspora eta kultura
2015/11/03
Azkar baino azkarrago pasatu da asteburua. Amaitu berria den 2015eko Euskal Aste Nazionalak, ordea, bihotzean luzaro gordeta izango ditugun hainbat irudi eta oroipen polit utzi dizkigu. Urtero bezala, EuskalKultura.com Argentinako euskal jai handienaren lekuko eta partaide izan da eta, urtero bezala ere, baliabide bihurtuko da irakurle bakoitzak bere argazki galeria propioa osa dezan. Hona ostiraleko momentu adierazgarrienetako batzuk.
2015/11/03
Urriaren 24an ospatu zuten New England-eko Euskal Etxeko kideek (AEB) urteroko Sagardo Eguna. 80 lagun baino gehiago bildu zirela esan diote arduradunek EuskalKultura.com-i. Herri kirolak, jatekoa, hitzaldi bat eta, lehenbizikoz, sagardogintza ere zuten programatua. “Ederto baten” aritu zirela adierazi du Roberto Guerenabarrena kideak.
2015/11/03
Kanariar Uharteko, Kataluniako eta Euskal Herriko inprobisatzaileak elkarrekin kantuan ariko dira Bartzelonan azaroaren 6an eta 7an, "Europa bat-batean" izeneko egitasmoaren baitan. Irailean Leonen egin ziren eta, Bartzelonatik igaro ondoren, udaberrian eta udan Euskal Herrian izango dira saioak nazioarteko ordezkariekin, Donostia 2016 Europako Kultur Hiriburuarekin elkarlanean prestatutako proiektuaren barruan.
2015/11/02
Bozkarioa giro eta gustura bertan bizi izandako programa, harrera eta arretarekin bukatu zen atzo La Pampako Macachinen 2015eko Euskal Aste Nazionala. Parte hartzaileak zein antolatzaileak bat etorri ziren baioespen onarekin. Izan ere, hori guztia berdintzen erronka polita utzi diote Euskal Astearen lekukoa jaso eta 2016ko edizioko antolatzaile izango den Necocheako Euzko Etxeari. Artikulu honetan pasa den asteburuko Macachingo errepaso orokorra egingo dugu, baina bihartik aurrera eta aste osoan zehar 2015eko Euskal Aste Nazional argentinarrak eman duenaren kronika grafiko zehatza eskainiko du EuskalKultura.com-ek.
2015/11/02
Ostegun honetan abiatuko da Berlingo 3. Euskal Zinemaldia, bertako Gernika Deutsch-Baskischer Kulturverein euskal etxeak antolatuta. Lau egunetan bost film izango dira ikusgai: "Lasa eta Zabala", "Amaren eskuak", "Echeverriatik Etxeberriara", "Ateak zabalduz" eta amaitzeko "Loreak", Oscarretarako hautagaia. Horiez gain hil honetan hitzaldiak, proiekzioak, idazle topaketak eta irakurraldiak egingo dira Berlinen.
2015/11/02
2012ko ‘Sorginkeria Euskal Herrian’ eta 2013ko ‘Euskaldun bati gertatutakoa’ nazioarteko bi literatura lehiaketetan parte hartutako 70 ipuin laburrek osatzen dute bilduma, Iparraldeko Euskal Etxeko Kultur Batzordeak gauzatu duen lehena. Aurkezte ekitaldira testuen egileak, lehiaketako epaimahaikideak, eta erakunde anfitrioiko agintariak bildu ziren.
2015/10/30
Gaur ostiraletik aurrera euskal-argentinar kolektibitateen elkarretaratze eta festa nagusia lehertuko da La Pampako Macachin herrian. Dena prest dago horretarako Macachinen, ezaugarri nabari batekin, gainera: Macachingo herri osoa konplize eta partaide egingo da festa. EuskalKultura-com lekuko izan da, herri sarrera beretik hasten direla Euskal Astea aipatzen duten kartelak, euskal eta argentinar banderak eta euskal dekorazioko erakuslehioak, besteak beste. Ikus gaur lehenengo argazki-galeria, astelehenetik aurrera jarraitzeko, egunez-egun Macachingo bilera nagusi honen argazki-kronika.
2015/10/30
"Loreak" Sagar Handira heldu da eta, Oscar sarietarako lasterketan, New Yorkeko Paris Theatre zineman izango da ikusgai gaurtik hasi eta datorren azaroaren 5a arte. Sarietarako lehia horretan oso garrantzitsua omen da emanaldietara jendea erakartzea eta AEBeko euskal komunitateari filmari sostengua emateko eskatu nahi diogu EuskalKultura.com-etik, aurreneko aldiz euskara hutsean eginiko film bat Oscarretan egon dadin!
2015/10/30
Nazioarteko euskal etxeetako mus jokalaririk onenak Argentinako Mar del Platan bilduko dira bihar, Munduko Mus Txapelketa jokatzeko. Talde partehartzaileak honakoak dira: Argentina A eta B, Australia, Txile, Espainia, Euskadi, Frantzia, Mexiko A (2014 irabazleak) eta B, Uruguai, AEB eta Venezuela.
2015/10/30
Datorren urteko apirilaren 19an plazaratuko dute beren lehenbiziko sukaldaritza liburua Eder Montero eta Alex Raij sukaldariek, Rebecca Flint Marxe-ekin batera. New Yorkenko Txikito jatetxearen burua da bikotea eta, Monterok EuskalKultura.com-i argitu dionez, “erabat amaituta dago jada", baina marketing-a dela eta udaberrira arte itxarongo du argitaletxeak. “Txikitoren ukitua duen arren, ingelesa menperatzen duen edonork erabiltzeko moduko erreferentzia liburua da”, gehitu du bilbotarrak.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
