euskal diaspora eta kultura
2014/01/31
Bartzelonako Euskal Etxeak aurkeztu egin ditu jada aurtengo Zinemaldia osatuko duten lanak: urtero legez, film luze zein laburrek eta fikzioak eta dokumentalek osatzen dute elkarteak Kataluniako hiriburura ekarri duen euskal zinearen uzta. Zinemaldia otsailaren 13tik 22ra egingo da eta aurten zine aretoetara jauzi egingo du gainera: saio guzti-guztiak Girona zinematan egingo dira.
2014/01/31
Zozketan parte hartzeko aski da email bat bidaltzea eta sariak, lau, jator askoak dira: 'Joanes' komikia, ingelesez, Guillermo Zubiaga marrazkigileak zuzenean New Yorketik bidalia, 16. mendeko pirata euskaldunaren abenturekin; 'Kaliforniakoak' liburua, euskaraz, Asun Garikano egile, euskaldunen Kaliforniaren 1533tik 1848ra arteko historia puskak 495 orrialdetan; 'Cocina Vasca Campesina' liburua, gaztelaniaz, Marita Echave euskal-argentinarrak idatzia, bere txikitango sukalde moldeen usainean; eta Korrontzi talde mungiarraren azken CDa, euskal folk garaidea.
2014/01/30
Urtero bezala, Europako Euskal Herrian ezezik, Santa Agedako euskal ohiturak Boisen ere gauzatuko dira datorren astelehenean, makilen hotsak lurraren kontra jotzeak eragiten duen kantu eta elkarretaratze festaren magiak hitzordu berezi honetan partaide diren haur eta helduen ilusioa berriz ere harrapatzen duenean. Festa berezia da Boisen ere, eta azken urteotan urtero gertatzen da Basque Block-eko Euskal Museoan, kanpoan Grove kalean eta bertako Leku Ona jatetxean, eta egun batzuk geroago errepikatzen da Boiseko Ikastolan.
2014/01/30
AEBetako Idahotik hango bi elkartek egin dituzten euskal jaien berri heldu zaigu: batetik, Caldwellgo Euzkaldunak Basque Charities elkarteak arrakasta handia izan du aurten ere urteroko Basque Charity Dinner, Auction & Dance festarekin. Iragan urtarrilaren 18an egin zen jaiaren 46. edizioa, eta bertan bildutako dirua hirian beharra duten familiei laguntzeko erabiliko da. Bestetik, Mountain Home-n bertako euskal etxearen urteroko jaian hiru euskara irakaslek --Maria Fernandez, Izaskun Kortazar eta Itxaso Cayero-- euskal kanta herrikoien letrak eta esanahia erakutsi zieten elkartekoei, eta kantuan jarri zituzten bertako euskaldunak, giro ederrean.
2014/01/29
Bata Euskal Herrian jaioa eta ondoren argentinaratua, bestea Argentinan jaio, eta Gernikara etorria, haurra zela bonbardaketaren lekuko izateko eta ondoren Argentinara itzulia, emigrazioaren fenomenoa eta Argentinako Euskal Herriaren egia barne-barnetik ezagutzen dute Félix Isidro Legarretak eta Roberto Luis Lejarretak. Biekin izandako elkarrizketak sarean ipini zituen iaz Buenos Aires probintzia erdialdeko UNICEN unibertsitateak bere webgunean. Diasporako beste bi lekukotasun.
2014/01/29
Azkue Fundazioak euskarazko blog onenak hautatzeko lehiaketa jarri du abian, Argia aldizkariaren sostenguarekin, euskerazko blogarien jarduna sustatu eta ezagutzera emateko asmoz. Guztira 115 blog proposatu dituzte internet erabiltzaileek sarietara, eta orain horien artean onenak aukeratzeko epea ireki da. Otsailaren 16a arte luzatuko da epe hori eta nahi duenak parte har dezake bozketan, lehiaketaren webgunean izena emanez, edo Twitter sare sozialaren bitartez. Zure aukera argi duzu? Eman botoa, bada!
2014/01/28
Asteburuarekin bukatu da HABEk kudeatzen duen Euskara Munduan programako 2013-2016 tarteko hirugarren barnetegia, San Nicolas hiri argentinarreko Euzkal Etxean. Ikastaro trinkoa urtarrilaren 18an hasi zen eta Argentina, Brasil, Txile eta Uruguaiko ikasleak bildu zituen. Barnetegia bukatuta, irakasleentzako trebakuntza burutu zen Euzkal Etxea-ren egoitzan bertan. Euskara irakasleen lehenengo topaketa honetan euskal etxeetan dagoeneko aritzen diren ikasleak elkartu ziren euren esperientziak elkarrekin trukatzeko. Etorkizunari begira, 2014ko neguko barnetegiaren data -uztailaren 19tik 26ra- iragartzeaz gain, irakasleen topaketak udaro errepikatzeko asmoa ere adierazi du Kinku Zinkunegi HABEko ordezkariak.
2014/01/28
Harkaitz Canoren "Pasaia Blues" eleberriaren galizierazko itzulpena argitaratu du berriki Hugin e Munin argitaletxeak. Isaac Xubin idazlea izan da itzultzailea eta datorren astean Harkaitz Cano Galizian izango da liburua aurkezteko. Idazle donostiarrak hiru hitzaldi emango ditu: aurrenekoa otsailaren 5ean, Santiago de Compostelan; bigarrena otsailaren 6ean, Pontevedran; eta hirugarrena eta azkena otsailaren 7an Vigon. Itzulpen honekin lau hizkuntzatan plazaratu da dagoeneko eleberria: euskaraz, gaztelaniaz, alemanieraz eta galizieraz.
2014/01/27
34 urteko argazkilari gasteiztar bat desagertuta dago urtarrilaren 7-8 arteko gauetik Kolonbian. Mexikon bizi zen emaztearekin eta joan den azaroan sartu zen Kolonbian. Lo egiten zuen ostatuan, La Guajiran, agertu dira bere arropa, kamarak, ordenagailua, dokumentuak eta dirua. Poliziak ez du hipotesiarik baztertzen baina hasieran hipotesi nagusia zen itsasoak eraman izana izatea indarra ari omen da galtzen. Bestalde, aste honetan bisitari ari da euskal ordezkaritza bat, giza eskubideen alde lan egiteagatik mehatxatu eta jazarriak izateagatik Euskadin babesturik egon ziren eta egun Kolonbiara itzuli diren pertsonen egoera aztertzeko. Argazkilari gasteiztarraz interesatuko direla agindu dute.
2014/01/27
Zure etxean eta gasturik gabe gainera? Bada ez zazu gerorako utzi, datorren ostiralean bukatuko baita lau sari polit horietako bat zeureganatzeko aukera, EuskalKultura.com-ek bere irakurle eta lagunentzako antolatu duen zozketaren baitan. Parte hartzeko, aski duzu email bat bidaltzea, barnean zure datuak ipiniz eta lau oparietako baten hautua eginez. Joanes komikia ingelesez da, Kaliforniakoak liburua euskaraz, 'Euskal Baserri Sukaldaritza' gaztelaniaz eta Korrontziren CDa euskaraz.PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
