euskal diaspora eta kultura
2016/04/07
Peruko Liman bizi da duela sei urtedanik Xabier Gil iruinsemea. Ikasketaz ingurumena eta nekazaritzari lotua, gertutik ezagutzen ditu bertako indigenak, artekoa baitu neskalaguna. Limako Euskal Etxeko kide eta euskara irakasle ere bada.
2016/04/07
'Origen' saioa maiatzean estreinatuko du ETB2k eta euskal diaspora izango du protagonista: euskal jatorrikoak izanik sekula Euskal Herrian izan ez diren jendeak pantailaratuko ditu, euren euskal erroak haientzat aztertuz eta euren emozioen lekuko izanez. Grabatzen ari diren saioetan Strauch Urioste Andeetako biziraule uruguaitarra dago, baita ere Juan Martin Guevara, Che Chevararen anaia gaztea; Pilar Garcia Gurtubay, Norvegiatik bakailaoa ekartzen hasi zenaren ondorengoa; Fernando Solabarrieta kazetari eta aurkezle txiletarra; eta Fernando Martitegui sukaldari argentinarra.
2016/04/07
Hiru hamarkada bete zituen iaz Boiseko Euskal Museoak eta, aurten, erakundea diruz laguntzeko urteroko afarian, mundu osoko euskal diasporak ekarriko dituzte gogora Idaho-ko (AEB) hiriburura. Datorren larunbatean izango da eta nazioarteko euskal apaingarriz jantziko dute Euskal Etxea, bai eta beste euskal diasporen inguruko informazioa mahaietan jarrita ere. “Gauza xumea izango da. Ez dugu espero jendeak asko ikastea, gaiaz harreta piztearekin konformatzen gara”, esan dio EuskalKultura.com-i Annie Gavica antolatzaileak.
2016/04/06
Euskal arteak Londreseko Dalston auzunea hartuko du ekainean, BaskFest 2016 jaialdiarekin. Euskal kulturaren ospakizun bat izango da festa, beti ere arlo desberdinetako artelanen bitartez: zinea, musika, ikusentzunezko arteak, dantza, performance-ak, argazkilaritza eta gastronomia. London Basque Diaspora taldeak antolatu du eta orain Londresen bizi diren euskal sortzaileen bila dabiltza, erakusketa osatzeko. Proposamenak aurkezteko epea berehala itxiko da, apirilaren 15ean, beraz, bizkor ibili!
2016/04/06
19 eta 20. mendeetan Estatu Batuetara emigratu zuten milaka euskaldunen biografiak bltzen ditu 'Basques in the US' obrak. Bigarren edizioa bukatzear, egilearekin, Koldo San Sebastianekin, eta argitaldariarekin, Renoko Euskal Ikasketen Zentroko (CBS) Daniel Monterorekin, solastu da EuskalKultura.com. San Sebastianen esanetan, “dibulgaziorako oso erreminta eraginkorra da internet, norabide biko lanabesa, gainera". "Guk informazioa jartzen dugu sarean, baina hori zuzendu ere egiten dute irakurleek, zerbait zuzena ez denean”. Monterok, bere aldetik, CBSren bloga kudeatzen du eta harrituta dago biografiak aipatuz argitaratutako postek lortu duten oihartzunaz: "gauza ona da hori" esan digu.
2016/04/06
Data ospatu eta urtero adierazten dituzte Aberri Egunean Argentinako Euskal Etxeek Euskal Herriaren aldeko mezuak. Ospatzeko moduak, baina, anitzak dira, gauza behartua baita herri bakoitzean, euskal etxe bakoitzean, tokian tokiko kutsuz ez janztea. Hona, ospakizun horien argazki galeria berri bat, Bazko igandetik azken astebururaino Arrecifes, Bariloche, Buenos Aires, Chivilcoy, Mendoza eta Olavarrian egindako ekintzen isla.
2016/04/05
Habanako Aberri Egunaren ospakizunak jende andana bildu zuen iragan martxoaren 27an, 330 bat lagun, Kubako Euskal Etxeko arduradunek EuskalKultura.com-i azaldu diotenez. Horrez gain, elkarteak Euskal Aste bat ere ospatu zuen, zenbait hitzaldi eta kultur ekitaldiekin. Jarduera hauetan euskararen garrantzia azpimarratu zuten -- "gure herriaren nortasuna"-- eta Durangoko Azokaren jarduna goraipatu zuten, 50 urte hauetan euskal kultura sustatzeagatik.
2016/04/05
EuskalKultura.com-ek zozketagai ipini ditu liburu bat (ingelesez) "Modern Basque History", Cameron Watson-ena; eta Iparraldetik datozkigun hiru musika CD: Kalakan hirukotearen "b_aldeak"; "Arbailan", Xiberoko ahots onenen sormen lan dagoeneko klasikoa; eta "Euskal kolore", zenbait kantari eta talderen kantu hautuen bilduma. Ohi bezala, parte hartzeko, email bat bidaltzea besterik ez. Datorren ostirala da parte hartzeko azkeneko eguna.
2016/04/04
Eusko Jaurlaritzak deialdi egin du lau bekadun aukeratzeko kanpoko Euskal Gizatalde eta Etxeen eremuan espezializatzeko eta prestatzeko. Bekek 12 hilabeteko iraupena izango dute. Bekadunek beraien eginkizunak Euskal Autonomia Erkidegoko Administrazioaren honako bulego hauetan burutuko dituzte: Kanpo Harremanetarako Idazkaritza Nagusian, Vitoria-Gasteizen (2); Euskadiko Ordezkaritzan Argentina-Mercosuren (1); Estatu Batuetan (1).
2016/04/04
Euzko Etxea-ko Itsuen Futbol Taldeko kapitaina eta kazetaritza ikasle den Lelio Sanchez aurkezle, astelehenero emitituko da saioa, 18etatik 19etara, Internetez ere entzun daitekeen Alta Voz irratian. Euskal Etxearen ‘ahotsa’ izango den programak bi gonbidatu berezi izango ditu lehenengo saioan: Jorge Batiz eta Maria Fernanda Astigarraga, erakundeko erreferente nagusietako bi.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
