euskal diaspora eta kultura
2016/04/13
Aberri Eguna hitzordu garrantzitsua da Diasporako euskal elkarte gehienetan, eta urteko egunik handienetako bat, esaterako, Caracaseko Eusko Etxean. Aurten lagun eta bazkide asko bildu ziren bertara, egitarau zabalaz eta bazkari ederraz gozatzera. Valenciako Euskal Etxeak ere festa egin zuen Naguanaguan. Jarraian, bi ekitaldietako argazki sorta mardulak.
2016/04/12
Aurten ere Aberri Egunarekin hitzordua bete dute munduko euskaldunek eta euskal etxe gehienetan egin dira ekitaldiak eta ospakizun bereziak. Batzuk handiak, besteak apalagoak, baina denak ala denak Euskal Herria eta arbasoen lurra gogoan. Jarraian horietako batzuetako argazki sorta bildu dugu: Lima, Txileko Santiago, Mexiko eta Ingalaterrako euskal etxe gazte batena, Bristol Basque CVlub elkartearena.
2016/04/12
Euskal Sukaldaritza Astearen lehenengo edizioa datorren maiatzaren 9tik 15era izango da Argentinako hainbat euskal jatetxe eta izen handiko sukaldari partaide. Jatetxeek eskainiko dituzten proposamen bereziekin batera, hitzaldiak eta klase magistralak ere eskainiko zaizkie gastronomia arloko interesatuei. Ekitaldiaren programa osatzeko, Ganberak euskal etxeak animatzen ditu aste berean pintxo afariak edota euskal afariak antolatzera.
2016/04/11
Hemen dira dagoeneko aurtengo bigarren zozketako irabazleak. Sarietako bi Argentinaraino joango dira, eta beste bietatik, bat Uruguairaino abiatu eta azkena Euskal Herrian geratuko da. Orotara 207 izan dira zozketako partaideak, dozena bat herrialdetakoak. Zorionak irabazleei; eta gainerakoei, ez etsi, berehala antolatuko baitugu zozketa berria (segidan apirileko zozketako emaitza eta xehetasunak).
2016/04/11
Daniel Uranga gazteak 14 urte baino ez ditu, baina golf munduan lekutxoa egiten hasia da dagoeneko. Berriki, Augusta Golf Club mitikoan golf txapelketa bat irabazi du eta beste batean bigarren postua eskuratu du. Daniel Homedale-ko Txoko Ona Basque Club kidea da eta golfaz gain futbolean, saskibaloian, beisbolean eta... euskal dantzan ere aritzen da, Homedaleko Herribatza Dantzaria taldearekin. Zorionak eta segi horrela Daniel!
2016/04/11
MercoMus txapelketa hegoamerikarra asteazkenean hasiko da Txileko Santiagon, eta apirilaren 13tik 16ra garatuko hiriburu txiletarrean. Partaide, Argentina, Peru, Uruguai, Venezuela eta Txile bertako muslariak. Argentinako Txapelketa Nazionala, berriz, abuztuaren 13tik 15era izango da, Laprida hirian, bertako Lagunen Etxea Euskal Etxea antolatzaile. Azken lehiaketa honetako bikote irabazleak Argentina ordezkatuko du urrian Donostian egingo den 2016ko Mundu Txapelketan.
2016/04/08
Iragan asteazkenean Baigorrin aurkeztu zen "Aita deitzen zen gizona" liburua, Pamiela argitaletxeak plazaratu berria, Eusko Ikaskuntza eta Larraldea kultur zentroaren laguntzarekin. Liburuan, Pello Salaburuk Joan Errea Nevadako emazteak idatziriko oroitzapenak bildu ditu: behenafarreraz, Erreak bere familiaren istorioak biltzen ditu, euskal emigrazioaren testigantza bizi eta hunkigarria emanez. Aurkezpeneko irudiak, jarraian.
2016/04/08
Jaia larunbat honetan izango da, ‘Artisauen Pasealekuan’, eta bertarako diren gonbidatuen artean daude Bariloche, Cordoba, Pergamino, Viedma eta San Martin de los Andes-eko euskal etxeetako ordezkariak. “Festa ederra ari gara prestatzen”, jakinarazi digu proposamenaren arduradun nagusia den Rafa Molinak. “Euskal eta argentinar dantzak, bideoak, Euskal Herriari buruzko informazioa, eta nola ez, mota askotako pintxoak eskainiko dizkiegu gonbidatuei”, adierazi dio EuskalKultura.com-i.
2016/04/07
Iñigo Ruiz de Gordejuela gasteiztarra musika ikasten ari da AEBetako Berklee College of Music ospetsuan eta bertan euskal izena eta izana duen taldea sortu du ikaskide batzuekin: Amalur. Sarean ikusgai da taldearen piezatako bat, "Aldapeko Sagarraren" klasikoaren moldaketa, jazz osagai nabariekin. Ikusi ezazu bideoa jarraian.
2016/04/07
Bihar da azken eguna EuskalKultura.com-ek zozketagai ipini dituen liburua eta CDak eskuratzeko. Liburua, "Modern Basque History" da, Cameron Watson-ena; eta hiru CDak Iparraldetik datozkigu: Kalakan-en "b_aldeak"; "Arbailan", Xiberoko ahots onenen sormen lan dagoeneko klasikoa; eta "Euskal kolore", zenbait kantari eta talderen kantu hautuen bilduma. Parte hartzeko, aski email bat bidaltzea.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
