euskal diaspora eta kultura
2016/04/18
Badator New Yorkeko euskal festa alai eta bizienetako bat, Txikito jatetxeak antolatzen duen Txikifest txakolinaren azoka. Kalean egiten da festa, Eder Montero bilbotarraren Txikito jatetxearen atzealdean eta egunean zehar txakoli, pintxo eta beste kutixiak izango dira dastagai han jarriko dituzte standetan. Bestalde, aipatu hainbat lan-eskaintza argitaratu direla Txikito eta bere taldeko beste jatetxeetarako; zehaztasunak, jarraian.
2016/04/18
Zerrenda bakarra datorren larunbatean Buenos Airesko Laurak Bat Euskal Etxean, FEVAko buruzagitza karguak berritzeko. 2014an hautatutako Hugo Andizabalek eta Javier Ederrak --egungo lehendakari eta idazkaria-- 2014an lortutako karguak berresteko aurkeztuko dira. Diruzaintzarako hautagaia, aldiz, Cristina Arregui rosariotara izango da. Biltzarra bukatutakoan, euskal etxeen bilera orokorrari ekingo zaio.
2016/04/18
Apirilaren 9an izan zen, Neuquen hiriko ‘Artisauen Pasealekuan’, Comahueko Euskal Etxearen aurkezpen ekitaldia. Hainbat lagunen laguntza paregabea izan zuten jaio berria den erakundeko kideek euren jaian; izan ere, hiriko gobernuko mandatariek ez ezik, festan parte hartzeko kilometro ugari egin zituzten euskal gizataldeko ordezkariek ere hartu zuten parte jaialdian. Hona, ekintzaren argazki galeria.
2016/04/15
Mende bat da familia amerikar(a)tu zela. Iaz bete dira ehun urteak, eta --AEBetan barreiatuta dauden familiakoen egutegiak adostu ondoren-- asteburu honetan behar dute ospatu 1915ean Iurreta bere sorterria utzi eta Idahoko Boisen ezarri zen Benito Ysursaren ondorengoek. Euren amerikartzearekin batera, baina, 'euskal' ere izaten segitzen dutela ere behar dute ospatu, euskaltasunak segitzen baitu ehun urte eta gero ysursatar amerikarren osagai izaten. Horrekin bat egiteko, Boisen da Iñaki Totorikaguena Iurretako alkatea. Itsasoz bi aldeetako iurretarren asmoa, lotura historikoei segida ematea eta belaunaldi gazteetan biziberrituz geroa bermatzea.
2016/04/15
Gaur amaituko da Valparaison Gipuzkoako Foru Aldundiko ordezkaritza batek Txilera egin duen bost eguneko bidaia. Astean zehar gipuzkoar ordezkariak Santiago eta Valparaisoko hainbat agintari, enpresari eta kultur eragileekin bildu dira, bi lurraldeen arteko lankidetza eta lan aukerak sustatzeko helburuarekin. Aldundiko ordezkaritzaren buru izan dira Iker Goiria, Kanpo Harremanetarako zuzendaria, eta Daniel Arbulu, arlo bereko teknikaria.
2016/04/15
EGUNERAKETA: data aldatu egin da eta Maiatzaren 8an egingo da. Xehetasun batzuk azken egunetan jakinaraziko badira ere, oinarrizko egitaraua prest dauka Laurak Bat erakunde antolatzaileak. Hona, beraz, ‘Buenos Aires Celebra al País Vasco’ren 2016ko edizio honetako partaide, bisitari eta standen zerrenda. Gonbidatuen artean aipa dezagun Jaurlaritzako Kanpoan den Euskal Komunitatearentzako zuzendari Asier Vallejo argentinaratuko dela jai berezi honetan parte hartu ahal izateko. Hona hiriburuko Mayo etorbidean egingo den festa erraldoiko programa.
2016/04/14
Parisen euskal txuletak eros daitezke eguneko edozein ordutan, L'Ami Txulette harategiko Michel eta Florence Pouzoli esker. Harategiak Pariseko aurreneko haragia saltzeko makina jarri du kalean eta bezeroek bikain hartu dute ideia: asko dira lanetik atera eta afaria han erosten dutenak, esaterako. Michel ez da euskalduna baina Lapurdin lan egin du urte luzez eta orain bertako produktuak saltzen ditu Parisen: Baionako urdaiazpikoa, Ezpeletako biperrak, pateak, gazta... On appetit!
2016/04/14
Uruguaiko Carmelo hiriaren Bigarren Mendeurreneko ospakizun programaren baitan, bertako Ibai Ondoko Etxeak bere urtebetetzea ere, 21.a, ospatuko du. Igandean , apirilaren 17an beteko ditu 21 urtea euskal elkarteak eta bi ekitaldi nagusi antolatu ditu komunitateari begira: ‘Gure Arropa’ antigoaleko euskal jantzien erakusketa, Magdalena Mignaburu ikertzailearen eskutik, eta hitzaldi bat, 'Euskal Pilota' izenpean, FIVU Uruguaiko Euskal Erakundeen Federazioko lehendakari Enrique Poittevin-ek emanik.
2016/04/13
Datorren larunbatean egingo du, ohi bezala Donibane Garazin, urteko bere Biltzar Nagusia, Nafarroa Beherean egoitza duen Euskal Argentina elkarteak. Pierra Lako sortzaileetako bat izanik egun Monika Legarto buru duen elkarteak "2015eko harat-hunatak, konduak, proiektuak eta aurtengo Argentinarateko bidaia" hartuko ditu, besteak beste, mintzagai.
2016/04/13
‘La Vuelta del Tambero’ (Esnezalearen Bira) auto klasiko lehiaketa bat da eta, izenak adierazten duenez, joan den mendearen hasieran eskualdeko esnezaleek egiten zuten ibilbide bera egingo dute partehartzaileek. Hitzordua apirilaren 24an da eta lasterketaren ondoren euskal bazkaria eskainiko du Gral. Las Herasko Zazpirak Bat Euskal Etxeak herriko Euskal Tabernan.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
