euskal diaspora eta kultura
2016/09/20
Bizkaiko Foru Aldundiak aurkeztu duen egitarauak mota askotako 300 bat ekitaldi baitaratzen ditu kultur ondarea zabaltzeko helburuz, urri osoan zehar garatzekoak. Tartean dira bisita gidatuak, hitzaldiak, erakusketak, ofizio erakustaldiak, azokak, gastronomia, zinema emanaldiak, antzezpen historikoak, musika, dantza, kirola, jardunali zientifiko eta mintegiak.Islandiari dagokionez, euskal arrantzale eta balezaleen presentzia islandiarrari buruzko datu ezezagunak jendaurretuko dira.
2016/09/19
Nekazaritza Elkarteko erakustaldiaren baitan egiten da urtero Pergamino hirian Kolektibitateen Sukaldaritza Gunea. Oso talde sendo bati esker, Lagun Onak Euskal Etxearen txokoa bost egunez jarraian eta eguerditik gaueraino egon zen irekita publikoaren jakinmina eta euskal platerak dastatzeko grina asetzeko. Arrakasta honek animo handia ematen die euskal arduradunei datozen hitzorduetarako. Berehala ospatuko dituzte erakundearen urteurrena, Pergaminoko urtemuga eta Euskal Astea… batzuk aipatzearren.
2016/09/19
Iragan irailaren 9an "Txileko Euskal Gizataldea" euskal etxeak Arantzazuko Amaren eguna ospatu zuen, Euskal Abesbatzaren partehartzea izan zuen meza elizkizun batekin. Horrez gain, aipatu elkarteak 9 urte bete dituela aurten, eta ekainaren bukaera aldera urteurrena ospatzeko dantza erakustaldia eskaini zutela elkarteko dantzariek.
2016/09/19
Kontzertua Kataluniako Etxean izango da datorren larunbatean, eta bere euskal errepertorioa eskainiko dio talde Mariana Dominé buru duen taldeak hiriburuko publikoari. Maral-ekin batera, gainera, Euskaltzaleak-en baitan sortutako Zutarriak taldea ere arituko da, Euskal Herriko kantutegiko abesti tradizionaletako batzuk eskainiz, arrecifestarrei sarrera emanez. Bistan da musikak leku nabaria duela Buenos Airesko Triki-poteoak ere antolatzen dituen Euskaltzaleak Euskaltegian.
2016/09/16
Tailerrak arratsaldeko 7etan izango dira, Neuquen hiriko Pastoral de Migraciones delako gunean. Hauek izango dira Manuel Molina buru duen Comahueko Euskal Etxeko Zuzendari Batzordearen lehenengo urratsak baina ez bakarrak. Izan ere, helburu bat baino gehiago dituzte euskal etxe berriaren kideek etorkizunerako, tartean, parte hartzea Patagonia Argentinarreko Euskal Etxeen Topaketan eta Euskal Astean.
2016/09/16
Etxepare Euskal Institutuak ELTE Unibertsitatean duen irakurletzak eta Budapesteko Cervantes Institutuak antolatuta, euskal hizkuntza eta kulturari buruzko jardunaldiaak egingo dire Hungariako hiriburuan irailaren 22 eta 23an. Egitarauak hainbat mintzaldi biltzen ditu, euskara, literatura, musika eta euskal eta hungariar kulturaren arteko harremanei buruzkoak. Horrez gain, "Loreak" filmaren emanaldia egingo da.
2016/09/16
Euskal Kultur Astea irailaren 25ean hasi eta astebetez luzatuko da, elizkizunak, erakusketak, zinema eta afaria barne. Aurten 60. ediziora iritsiko den ekitaldi honetako ekintzek, azken hilabete hauetan egin direnekin batera, Euskal Etxearen 70. urteurrena ospatzea dute helburu nagusi.
2016/09/15
Peruko Euskaletxearen 30. urteurrena ospatzeko gertu daude Limako euskaldunak eta euskaldunen lagunak, eta horretarako Euskal Aste oso bat antolatu dute. Jarduerak astelehenean hasiko dira, "Loreak" filmaren emanaldi batekin. Horrez gain, astean zehar euskara, musa, musika, gastronomia eta dantza ekitaldiak egingo dira eta festa igandean amaituko da urteurreneko bazkari batekin.
2016/09/15
Antzinako euskal musika protagonista izango da Parisen eta Europako beste zenbait hiritan datozen hilabeteetan Enrike Solinís eta Euskal Barrokensemble-k Frantzia, Austria, Belgika eta Kataluniako agertokietan eskainiko duten programa bat medio. Lehenengo geralekua Paris izango da, datorren larunbatean, Radio Francek bere estudioetatik zuzeneko kontzertu bat eskaintzeko aukeratu baititu, Frantzia soan entzungo den saioan. Gero datoz Viena, Turnhout, Bartzelona, Bilbo...
2016/09/15
San Martin de los Andes Euskal Txokoa-ri hartu dio lekukoa Etorritakoengatik Euskal Etxeak eskualdeko euskal erakundeen bigarren Topaketa antolatzeko. Bilera datorren astean izango da, iraileko azken asteburuan, eta egun hauetan programa berezi bat ari dira antolatzen Puerto Madryngo euskal erakundeko kideak bisitariei harrera egokia egitearren. Honekin batera, Etorritakoengatik-eko lagunek ‘Madryn al Plato’ko euren partaidetzaren berri ere helarazi digute.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
