euskal diaspora eta kultura
2018/04/10
Saioa astean behin emititzen da, Neuquen probintzia argentinarreko Capital izeneko FM irratian. Larunbatero, ordu 2etatik 3retara, euskal kulturarekin eta Euskal Etxearekin lotura duten hainbat gai jorratzen dituzte programaren aurkezleek, tartean, literatura, zinea eta Euskal Herriko ospakizun nagusiak. Beste proiektu batzuk ere joango da abiatzen apiriletik aurrera Comahueko Euskal Etxea, hala nola euskara eta euskal dantza tailerrak, eta euskal literaturari buruzko mintegia.
2018/04/09
Udaletxeko Areto Nagusian larunbatean egingo den ekitaldian, hiri perutar honetan sortu berria den Trujilloko Euskal Etxearen lehenengo Zuzendaritza Batzordeak egingo du zin. Elkarteko lehendakariorde Wilfredo Lizarzaburuk hitzaldia emango du Euskal Etxearen historia, aurrekari eta helburuez eta lehendakari Leonel Berrocal-ek aurkezpen hitzaldi nagusia. Senidetasun bazkariaren ondotik, bildutakoek La Libertad-eko Urratseko Zaldi Hazleen Elkarteko Urratseko Zaldien erakustaldia ikusiko dute.
2018/04/09
Gonbitea Euskal Herriko 18 eta 30 urte arteko gazte euskaldunei dago zuzenduta. Gazteek euren bidaia ordainduko dute Argentinako Villa Maria-raino eta egonaldia, ostatua eta otorduak, bertako euskal etxeak hartuko ditu bere gain. ‘Anima Zaitez!’ Villa Mariako (Cordoba probintzian) Euzko Etxeak antolatzen du eta aurtengo edizioa uztailaren 7tik 22ra izango da. Bi astetan zehar euskal gazteek euskal musika, dantzak, euskara, sukaldaritza eta beste gai batzuei buruzko tailerrak eskainiko dituzte. Izena emateko epea maiatzaren 9an bukatuko da.
2018/04/06
Los Angelesaldeko Chino herriko Euskal Etxeak bere 50 urteak ospatuko ditu eta bihar larunbata, bere egoitzan eta hainbat bazkide eta lagun bertara bilduz egingo du, arratsaldean hasi eta gauean sartuko den ekitaldi batean. Besteak beste, Chinoaldeko euskal komunitatea bere buruaren historia biltzearren egiten ari den ahalegina azpimarratuz eta horretan urrats berriak emateko xedez Mitch Gariador, Jeanette Bidart eta Marianna Etcheverria mintzatuko dira, eta Gauden Bat-eko dantzariak eta Noka-ko kantariak arituko.
2018/04/06
Kaleratu berria du Eusko Kultur Etxea-Eusketxek aurtengo euskara ikastaroen eskaintza. Klase gehienak hiru ordukoak izango dira, astean behin, Buenos Aires hiriburuko Mexiko kaleko egoitzan, Montserrat auzoan. Berri honekin batera elkarteko bloga bisitatzera gonbidatzen du Euskal Kultur Etxeko lehendakaria eta Buenos Airesko Ekin Euskal Argitaletxeko arduraduna den Maria Elena Etcheverry.
2018/04/05
Mar del Plata hiria izango da aurten Euskal Argentinar Aste Nazionalaren egoitza, urriaren 29tik azaroaren 4ra, eta euskal etxe anfitrioiak abian jarri du dagoeneko ekitaldiko logotipoa diseinatzeko lehiaketa. Lanak bidaltzeko epea maiatzaren 31rainokoa da eta saria esku dirua izango da. Denak Bat-eko lehendakari Asier Iriberrik, bestalde, Gasteizko Lehendakaritza bisitatu du martxoan, eta Aste Nazionalerako gonbitea luzatu dio Urkullu lehendakariari Kanpoan den Euskal Komunitatearentzako zuzendari Gorka Alvarez Aranburu medio.
2018/04/04
Ospakizun ofiziala Bazko Igandean izan bazen ere, datorren larunbatean –apirilak 7– burutuko du Aberri Eguneko bere zeremonia Barilocheko Mendiko Euzko Etxeak. Ekitaldia hiriko Gizataldeen Pasalekuan hasiko da, eguerdian, eta Euskal Etxeko egoitzan jarraituko du arratsaldean zehar. Berri honekin batera, 2017ko azken ekintza ere jakinarazi nahi izan dute Patagoniako euskal etxe honetako lagunek.
2018/04/03
Euskara eta Euskal Kultura irakasle bila ari dira Estatu Batuetan, Bakersfield-en (Kalifornia), bertako Euskal Etxea, NABO eta Etxepare Euskal Institutua. Euskara eskolak Kalifornia barnealdeko herri honetan Euskal Etxean eta Unibertsitatean ematen dira. Hautagaiari eskatzen zaion oinarria euskaraduna izatea eta honetan aritzeko gogoa izatea da; hortik aurrerako graduak estimatuko dira. Formakuntza bat emango litzaioke eta euskal jatorriko zein euskal jatorririk gabeko ikasleei emango lizkieke eskolak.
2018/04/02
Gaur astelehena, apirilaren 2a, Malvinetako Gerraren 36. urteurrena gogoratuko dute argentinarrek. EuskalKultura.com-en artikulu honetan, Argentinako historiako une goibelenetako bat ekarriko dugu gogora Carlos Miguelenaren eskutik. Miguelena Pergamino hiriko Lagun Onak Euskal Etxeko lehendakari ordea eta Malvinetako gerrako borrokalari ohia da. Eta mezu bat badu euskal etxeetako lagunentzat: “Irakatsi behar diegu gure gazteei euren desadostasunak hitz eginez konpontzen”.
2018/03/29
‘Amalur’ izeneko jatetxean euskal janari tradizionala eta baita gaur egungoa ere eskainiko ditu Aboitizek. Proiektuak sukaldearen mugak gaindituko ditu eta proposamen kulturalak eta hobekuntza gehiago ekarriko dizkio Euskal Etxeko jantokiari. Ekimena Buenos Airesko Lekeitio Jatetxeko arduraduna den Shanti Aboitiz-en esku egongo da; izan ere, alokairu kontratua sinatu berri du euskal jatorrizko chefak Laurak Bat-ekin. Moldaketa lanak hasiak dira eta inaugurazioa uztail aldera aurreikusten dute.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
