euskal diaspora eta kultura
2007/09/04
Ibarretxe lehendakariak gaur hasiko du sei eguneko iraupena izango duen bidaia Dominikar Errepublika eta Puerto Ricora. Bihar bertan Santo Domingon bilduko da euskal-dominikar komunitatearekin eta gauean Leonel Fernandez lehendakariak eskainiko dion afariko gonbidatua izango da. Ostiralean, berriz, Puerto Ricora iritsiko da eta bertan ere topaketa egingo du euskal komunitatearekin. Era berean Puerto Ricoko Abokatuen Elkargoaren Urteroko Batzar Orokorreko hizlari bereizitua izango da.
2007/09/04
Ez da erraza, baina zergatik ez. Badakite normalean ez dela ematen bi urtez segidan Immigrantearen Jaiko Erregina gizatalde edo kolektibitate berekoa izatea, baina saiatu gabe ezin lortu. Egungo erreginak, Euskal Etxeko kide den Maria Pia Mario Hirigoyen-ek, nahiko lizkioke pasa Gimena de Ibarra bere lagunari erregin koroa eta makila, baina hori hala izango den ala ez, egun batzuk itxaron behar. Bitartean, Concordiara datorren igandera arte da zabalik Immigrantearen Jaia. Euskal ordezkaritza, bertako 'Gazte Lurra' dantzarien eskutik. Euskal Etxeak, euskal kultura standa kudeatu eta bazkariak ere prestatuko ditu: 'Txorizoa sagardo erara' edota 'Piperrada' bezalako kutixiak.
2007/09/03
Ikerlari, musikari, sustatzaile... Juan Mari Beltranek hamaika lan egin du euskal musikaren munduan eta urteetan txalaparta eta alboka bezalako tresnen aleak, doinuak etab. berreskuratzen berebiziko eragina izan du. Iaz kaleratu zuen azken lana, 'Orhiko xoria', eta datorren larunbatetik aitzina Estatu Batuetan eta Kanadan aurkeztuko du, Boise, Seattle eta Vancouver-eko euskal etxeek eta Boise State unibertsitateak gonbidatuta.
2007/09/03
When you live in the United States, it isn't common that two young Basques find love and get married. But one Boise Basque couple made it happen. Labor day weekend started with joy and celebration as Nicolas Bicandi and Izar Iribarren-Gorrindo, both members of Boise's Oinkari Basque Dancers got married. The bride is also one of the 'Ahizpak' sisters, known for their artwork and unique Basque jewelry. Nearly 400 members of Boise's Basque Community gathered at St. John's Cathedral to celebrate the marriage of Nicholas and Izar. EuskalKultura.com was among them.
2007/09/03
Jende multzo aipagarria bildu zuen joan den ostegunean Liliana Ravena de Urruti artista plastikoaren 'Oroitzapenaren diseinuak' izeneko erakusketaren inaugurazioak Buenos Aireseko Eusko Kultur Etxearen --'Eusketxe'-- Arte Galerian. 'Etxekoa' den artista da Liliana Ravena, bere senarra medio Eusketxerekin harremanetan hasitakoa, hura bere arbaso baionesen kultura hurbilagotik ezagutzearren hurbildu baitzen elakrte honetara. Honelaxe hasi ziren senar-emazteak Eusketxeren ekimenetan parte hartzen eta espattu horretan sortu zen erakusketa antolatzeko ideia.
2007/09/03
Hitzaldia eskaini zuen joan den asteazkenean Las Flores herri argentinarreko Euskal Etxean Iñaki Ozamizek 'Euskal bizilekua, dorretxeak, euskara eta deiturak' gaiak jorratuz, besteak beste. Beste hiru pertsonarekin batera FEVAk gonbidaturik, beste hainbeste zirkuitu ari dira egiten Euskal Etxeetan Euskal Herritik etorritako lau pertsona --Ozamizez gain Joseba Arregi, Aitor Badaia eta Aitor Abaunza-- zenbait gai jorratuz. Horien barne mintzatu zen Iñaki Ozamiz Las Floreseko 'Loretako Euskaldunak' Euskal Etxean, ekitaldi berean EHNAko bertako ordezkariak Las Floresetik kudeatutako lehenengo lau dokumentuen ematea egin zuelarik.
2007/09/01
Berez den egunaren baino egun batzuk lehenago, eta bertako 14 eta 15 zenbakidun Eskolak euren mendeurrenean eta aldi berean immigranteak omenduz, Tres Arroyos hiri argentinarreko Hiru Erreka Euskal Etxeak bere aurreneko ekitaldia egin zuen joan den asteburuan Udalak 5705/07 ordenantza medio Euskal Plaza eraikitzeko euskal elkartearen eskuetan utzi duen orubean. 'Haizearen Jaiak' (sic) hiriko eskola ofizial eta ez ofizialetako 1etik 6. maila arterainoko ikasleak deitu zituen, euskal gizataldeko kideekin familia giroan ekitaldian parte har zezaten.
2007/09/01
Murtziako Euskal Etxeak herri kirolak erakutsiko ditu hiri honetako Iraileko Azokan aurten estreinekoz. Azoka atzo bertan hasi zen, baina euskal ekitaldiok datorren asteburuan izango dira. Harrijasotzaile eta aizkolariek hiru erakustaldi egingo dituzte eta trikitilari talde batek ere beste hainbeste kontzertu eskainiko ditu. Azokak dirauen bitartean Euskal Etxeak standa izango du zabalik eta euskal produktuak saldu eta informazioa banatuko da bertan.
2007/08/31
Jaialdiaren helburua bakeari buruzko hausnarketa bultzatzea da, horretarako bai komunikabideak eta baita artista garaikideen lanak ere baliatuz. Asmo horrekin Bakearen II Jaialdi Europarrak hitzordua egin du Saran 130 musikari, margolari, zizelkari eta poetekin. Aste osoan zehar sortzaile hauek bakearen eskabideari boza, musika eta irudia emanen diote. Roger Etchegaray kardinala izanen da jaialdiaren ohorezko lehendakaria. Etchegaray Ezpeletan jaioa da eta bakearen aldeko ekimen ugari bultzatu ditu, Vatikanoko enbaxadore gisa Irak eta Palestina bezalako lurraldeetan.
2007/08/31
2007ko Bakearen Jaialdiaren ezaugarri nagusienetako bat mezua artearen bidez zabaltzeko apustua da eta deialdia euren lanekin bakearen aldeko eskabidean parte hartu nahi duten mundu osoko artistei irekia dago. Argitxu Noblia antolatzaileak EuskalKultura.com-i aurreratu dionez ekimenera bildu diren artisten artean bada Argentinako euskaldunik: Horacio Marotto Etchezahar eta Javier Duarte. Lanak bidaltzeko epeak urriaren 1era arte dirau zabalik.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
