Irailaren 25ean, osteguna, arratsaldeko 7:30etan, Buenos Aires hiriburuko Euskal Echea Institutuak bultzatzen duen kontzertuen zikloak Ana Paula Segurala organojolea eta Jose Maria Gutierrez txistularia bilduko ditu berriro ere euskal jatorriko musika jotzen. Haiekin batera, Lagun Onak Abesbatzak ere hartuko du parte Miguel Angel Pescek zuzenduko duen ikuskizunean.
Kontzertuaren programa osoa hemen. Euskal Echea Institutuko kapera Sarandi kaleko 735. zenbakian dago. Sarrera doakoa.