Gaur, bihar eta etzi, abuztuaren 19, 20 eta 21ean, Gipuzkoako ‘Tanttaka’ Antzerki Konpainiak ‘Un Beso’ (Muxua) antzezlana aurkeztuko du Buenos Aires hiriburuan. Ivan Cotroneo idazle italiarraren izen bereko eleberrian oinarrituta eta Fernando Bernues zuzendari, Mireia Gabilondok, Ander Iruretagoienak eta Haritz Morrasek osatzen dute antzezle-zerrenda.
‘Un Beso’ hiriburuko Maipo Kabaret antzokian taularatuko da, Esmeralda kaleko 449. zenbakian. Informazio gehiago edota sarrerak erosteko, ikusi hemen.