euskalkultura.eus

Abenduaren 31 azken eguna izango du Lons-eko Mediatekan "Soka, euskal dantzaren urratsetan" erakusketak.

Iparraldeko Euskal Kultur Erakundea ekoizle eta Gipuzkoako Foru Aldundia eta Donostia 2016 Fundazioa partaide dituen erakusketa honek partaide ditu ibiltaritzan: Bizkaiko Foru Aldundia eta Etxepare Institutua.

Euskal kultur erakundeak ekoiztutako SOKA erakusketa ibiltariak euskal dantza hobeki ezagutaraztea du helburu. Lau hizkuntzatan (euskara, frantsesa, gaztelera, ingelesa), 150 m²-ko eremuan, 400 ilustrazio baino gehiago daude kontsultagarri bertan (argazki eta irudi bildumak, lekukotasunak, soinu zatiak...). Besteak beste Euskadiko Filmategiko altxor batzuk erakutsiak dira bai eta besze artxibo arraro asko ere. Artxibo horiei gehitu behar zaizkie euskal dantzaren estetikaz edota alderdi sozialaz erakusketarako eginak izan diren bideo sorkuntzak. Ukipen-pantailak, formatu handiko telebistak eta kuadro digitalak baliatuak dira edukien aberastasuna bisitarien esku uzteko.

Ikus www.soka.eus