San Francisco-ko euskaldunek gaur, ekainak 7, urteroko Picnic-a eginen dute Petaluman. Goizeko bederatzietan egunari hasiera emango diote eta ondoren 9:45ean euskal meza izango da. Meza honen gidari Aita Jean-Michel Lastiri izango da eta Elgarrekin abesbatzak ere abestuko du bertan, baita Klika eta dantzariak ere arituko dira. 12:00etan Barbakoa hasiko da, honetarako helduek 20$ ordainduko dituzte eta haurrek, 12 urtetik beherakoek, 8$.
14:30ean, dantza erakustaldiak izango dira Zazpiak Bat Klika, Los Banos eta San Francisco Gazteak taldeekin eta 16:30ean, berriz, 'Lehengo dantzaldi' ikuskizuna non, Mutxikoak, Soka Dantza, Zazpi Jauziak, Lantzeko Inauteria eta Fandango eta Arin Arin dantzatuko diren. Eguna bukatzeko Lukainka eta Txorizoa salduko dira.
Lagun bati bidali
Komentarioa gehitu
