Las Flores, Argentina. Gaur igandea, uztailak 13, Euskal Zine Ziklo bat abiaraziko du Las Flores-eko 'Loretako Euskaldunak' Euskal Etxeak, hain zuzen ere Pio Caro Barojaren izenburu gogoangarri batekin, 'Gipuzkoa' filmarekin alegia, hemendik aurrera hilabetean behin eskainiko diren hitzorduei ekinez. Sarrera libre eta kitorik. Arratsaldeko seietan, Euskal Etxearen egoitzan, Av. San Martin 242.
Gipuzkoa filmak aitzinetik datorren herri baten aurkezpena egiten du, ohitura, usadio eta tradizioen bidez, gizakia, harria, zelaiak, zuhaitza, baserritarren mundua, burdina, itsasoa eta hiribilduak aurkezten dizkigun bidaiari ekinez. Euskal kulturan giltzarri izan diren pertsonaien partaidetza islatzen du, tartean Joxemiel Barandiaran, Oteiza, Basterretxea, Julio Caro Baroja, Eduardo Chillida eta Koldo Mitxelena.
Lotura interesgarriak
Elkarrizketa Pio Caro Barojarekin
Teresa Salak eginikoa, Euskonews-en
Lagun bati bidali
Komentarioa gehitu
