NABOk eta Boiseko Basque Museum & Cultural Center-ek ekintza desberdinak antolatu dituzte maiatzaren 8an arratsaldeko 17:30etatik aurrera. Mara Davis-ek pintxoak prestatzen irakatsiko du euskara ikasleen laguntzarekin. Ondoren pintxoak jan eta osagaien euskarazko izenak errepasatu eta praktikatzeko aukera egongo da.
Ander Iriartek "Echeverriatik Etxeberriara" dokumentala aurkeztuko du segidan. Oiartzungo zuzendariak biolentziak Ezkerreko Euskal Nazionalismoan izan duen eragina aztertu du lan honetan eta apirilean Donostian egin den Giza Eskubideen Zinemaldian aurkeztua izan da. Dokumentala ikusi eta zuzendariarekin solasaldia egin ondoren, eguna amaitzeko pintxo-potea egingo dute.
Lagun bati bidali
Komentarioa gehitu
