Gaur, urtarrilaren 2an, “Piano bat bertsotan” taldea osatzen duten Joana Ortega, Sebastian Ustarroz eta Jagoba Astiazaran musikariek euskal kantuetan oinarritutako euren ikuskizuna aurkeztuko dute Bahia Blancako Union Vascan. Bildutakoek eskatuko dituzte abestiak eta momentuan joko eta abestuko dituzte artistek, publikoa lagun.
Hitzordua gaueko 9etan da, Euskal Etxearen egoitzan. Sarrera doan eta ikuskizuna familia osoarentzat.