Aste huntako Herria astekariak gogoratzen daukunez:
Joan Errea Paris, Nevadaz mintzo - 80 urteko andere hunen ama Bankarra da, aita Lasarra eta senarra Baigorriarra. Joan-ek bere aita zenaren bizia kondatzen du “Aita deitzen zen gizona” tituluarekin idatzi duen liburuan, Eusko Ikaskuntzako eta Senpereko Larraldea etxeko nagusi den Andoni Iturrioz-en laguntzarekin argitaratua dena. Bazko astelehenean, Saran aurkeztu duen bezala, Pello Salaburu arizkundar euskaltzain eta Euskal Herriko Unibertsitateko buruzagi ohia, Baigorrira jinen da liburu hortaz mintzaldi baten emaitera, apirilaren 6an, asteazken arratseko 8.30etan. Artetik, Jean Louis Laka-k kantatuko ditu liburu hortako kopla zonbait, hauek ere Joan Erreak idatziak. Euskaldunen Amerikako bizi dorpeaz gehixago jakin nahi duten guziak gomit dira aurkezpen hortara. Hau, Baigorriko Herriko Etxean iraganen da.