Asunciongo 'Jasone' Euskal Etxea bere lehenengo hamabost urteak betetzen ari dela-eta, euskal elkarte honetako Zuzendaritza Batzordeak gonbidapena luzatu die bere bazkide lagun eta adiskideei Loiolako San Inazio Meza elkarrekin ospatzeko, izan ere euskal frantziskotar diren aita Iñaki Galarraga eta aita Salas meza-emaile, San Frantzisko elizan (Herrera 363 eta Caballero) San Inazio egunean bertan, esan nahi baita uztailaren 31ean, arratsaldeko zazpietan.
Meza edertzaile, Euskal Etxeari lotutako abesbatza tipia arituko da.
Ondoren, eta hamabost urteak behar bezala ohoratzen segitzeko, eta 15 kandelatxoei egokiro putz egiteko, festa afari bat antolatu da Lawn Tenis Club-ean (Maestro Pelegrini 420, ia Santisima Trinidad), euskal janaria eta euskal musikarekin.
Afariaren prezioa, G. 50.000 (edariak ez dira barne)
-Paraguaiko Asunciongo 'Jasone' Euskal Etxearen fitxa
Lagun bati bidali
Komentarioa gehitu
