Otsailaren 1etik 9ra, nobela beltzean adituak diren hainbat idazle bilduko dira Bartzelonako BCNegra 2013 topaketan. Euskal idazleak ere izango dira tartean: asteazkenean, hilak 6 18:00etan, "Bilbao. La sombra del Guggenheim es alargada" izeneko mahai-ingurua izango da La Capellan (Carrer del'Hospital, 56), non hiru euskal idazlek hartuko duten parte: Jon Arretxe (19 Kamera), José Javier Abásolo (La Luz Muerta) eta Felix Modroño. Rosa Ribas idazleak egingo ditu moderatzaile lanak.
Ondoren, 20:00etan, idazleak Euskal Etxean izango dira euskal literaturari eta beren lanei buruz hizketan. "Negra y Criminal" liburudendatik ere pasako dira liburuak sinatzera.
Lagun bati bidali
Komentarioa gehitu
