Ostiral honetan, martxoaren 20an arratsaldeko 6etan, “Memorias de un Caserío de Elorrio (1566-2013)” liburua aurkeztuko du bere egilea den Javier Iruarrizaga Landaburu lizentziatu durangarrak. Aurkezpenean, euskal baserrien historiaz eta ohiturez mintzatuko da egun hauetan Argentina bisitatzen ari den egilea.
Ekintza, publiko orokorrari dago zuzenduta eta La Platako Unibertsitateko Dardo Rocha aretoan egingo da (7. Etorbideko 776. zenbakian, 1. solairuan), UNLP bertako Gogoetarako Euskal Katedra Askeak antolaturik.