euskalkultura.eus

Urriaren 26ra arte dago epea Madrilgo Euskal Etxeak urtero antolatzen duen Argazkilaritza Lehiaketan parte hartzeko.

XV. ARGAZKI LEHIAKETAREN OINARRIAK

1. Parte-hartzaileen betekizunak
Parte hartzaileek alta eta ordainketa egunean egon beharko dute Madrilgo Euskal Etxean 2026ko irailaren 30ean.

2. Gaia
Lehiaketaren gaia "EUSKAL HERRIA" izango da, argazkigintza non egiten den kontuan hartu gabe.

Euskal Etxearen asmoa da 2027rako egutegi bat argitaratzea.

Aurkeztutako hamabi argazki onenek egutegiko hamabi orriak osatuko dituzte. Hilabete bakoitzeko bat argitaratuko da egilearen izenarekin, kontuan hartuta parte-hartzaile bakoitzeko argazki bakarra agertu ahal izango dela.

Euskal Etxeak, kalitatezko argazkirik ez badago, lehiaketara aurkeztu ez diren beste argazki batzuk egutegian sartzeko aukera izango du.

3. Argazkien ezaugarriak

Gehienez 3 argazki aurkeztu ahal izango dira parte-hartzaile bakoitzeko, honako hauek kontuan hartuta:

· Argazkiak aurkezten dituen bazkideak eginak izan behar dute.
· Zuri-beltzean edo koloretan izan daitezke, baina, edonola ere, formatu horizontalean.
· Ezin izango dira argazkiak ukitu, elementuak gehitu edo ezabatu, hainbat argazki nahastu edo jatorrizko konposizioa aldatu.
· Argazkiek originalak izan behar dute, eta ez dira argitaratu, ez eta beste lehiaketa batzuetan aurkeztu ere.
· Parte hartzen duten lanak JPG formatuan aurkeztu beharko dira.

4. Aurkezpena
Argazkiak gure egoitzara bidaliko dira, info@euskaletxea-madrid.com

Lehiakide bakoitzaren lan guztiak artxibo konprimitu berean (zip) sartuko dira, argazki lehiaketarako direla adieraziz. Lan bakoitzak izenburu identifikatzaile bat izango du, eta artxiboak egilearen izena.

5. Aurkezteko epea
2026ko urriaren 1etik 26ra.

6. Sariak
Lehen saria, 150 €-koa
Bigarren saria, 100 €-koa
Hirugarren saria, 75 €-koa

Egutegia argitaratzeko aukeratutako argazkiak ere saritutzat jotzen dira.

Egutegi hori Administrazioan eskuratu ahal izango da eta Euskal Etxearekin nolabait lotuta dauden Madrilgo enpresa eta erakundeei banatuko zaie.

Epaimahaiak sari bat edo gehiago eman gabe utzi ahal izango ditu, eta inork ezingo du sari bat baino gehiago jaso.

Argazki lehiaketaren oinarri osoak gure webgunean aurki daitezke