Hona New Yorkeko Eusko Etxetik heldu zaigun gomita, Boiseko Jaialdirako bidean New Yorken geldialdia egingo duten bi euskal talde hauei harrera egiteko deiarekin:
Euskal Etxeko bazkide eta lagunak, agur!
Uztailak 26 igandean Luhartz-ek eta Taberna Ibiltaria-k New York-eko Euskal Etxean emango duten kontzertura gonbidatzen zaituztegu (ikusi xehetasunak geure webgunean).
Durangotarrak izatez, Luhartz-ek azken 20 urtetan Euskal Herriko bazter guztiak dantzatzen jarri dituen erromeria talde ospetsua dugu.
2000. urtean sortua, Taberna Ibiltaria, Bizkaitik datorkigun sekulako kantu-talde martxosoa dugu.
Ziur gaude bi taldeen artean sekulako giroa izango dugula Euskal Etxean.
Erreserbak egiteko, mesedez mezua bidaliozue Iban Ubarretxenari (iban.ubarretxena@gmail.com). Mesedez erreserbak ahalik eta lehen egin tokia murriztuta bait dago.
Igandean taberna arratsaldeko zazpiretan irekiko da eta Luhartzen kontzertua zortziretan hasi. Ondoren Taberna Ibiltariaren saioa izango dugu. Ogitartekoak ere izango ditugu salgai.
Irrikitan gaude zuek ikusteko!!!
Ongi izan,
Iban Ubarretxena
NYEEko presidentea
Etortzeko asmoa baduzu. mesedez egin erreserba eta egin lehenbailehen, emailez, honela eginez lagunduko baitiguzu.
-Facebook: https://www.facebook.com/pages/Euskal-Etxea-New-York/111995845486037
Euzko-Etxea of New York
307 Eckford Street
Brooklyn, NY 11222
Email: nyeuzkoetxea2013@gmail.com
www.newyorkbasqueclub.com
Lagun bati bidali
Komentarioa gehitu
