Apirilaren 27an, osteguna, 16:30etan Zehlendorfeko Guernica Platz-en ekitaldi bat antolatu du urtero bezala Berlingo 'Gernika' Euskal Etxeak. Hitza hartuko dute Zehlendorfeko alkate andereak, Teltow-Zehlendorf elizbarrutiko "superintendenteak" (eliza ebangelistan horrela deitzen zaio, apezpikuaren antzekoa litzateke), Espainiar Enbaxadako ordezkari batek eta Euskal Etxeko ordezkariek. Ohi bezala poesia bat irakurriko da eta musikaz eta lore eskaintza bat eginez nukatuko da ekitaldia.
Geroago, 19:30etan, Zehledorfeko Matterhornstr. 37-39 an hitzaldi bat antolatu da. Prof. Wolfganf Wippermann historialariak egingo du sarrera "Wir und Gernika" (Gu eta Gernika) izenburupean. Prof. Wippermann Gernika kultur elkarteko sortzaileetako bat da. Ondoren Miguel Rivas Venegas arte historialariak hitzaldia emango du: "Ez baitakite zertan ari diren“, "Franquistische und recht-extremistische Instrumentalisierung Gernikas", alegia Gernikaren inguruko manipulazioa frankisten eskutik, gai harturik.