Salisbury, Ingalaterra. Londreseko Basque Society-Euskal Elkarteko kideek Salisburyra bidaia antolatu dute ekainaren 8rako, igandea, txalaparta ikastaroko Ainhoa bisitatzeko. Egitarauari dagokionez, 9:30etan London Waterloo tren geltokian elkartu eta txartelak erosiko dituzte 10:15etan irteera emateko. 11:50ak aldera, trena Salisburyra iritsiko da eta partaideak Ainhoarekin elkartuko dira ondoren hiria eta Stonehedge bisitatzeko. 19:30ak aldera Londreserako itzulera izango da (trenak orduro daudenez, nahi duenak lehenago edo beranduago bueltatu daiteke) 21:00ak aldera bertara helduz. Banakako txartelak 26 libera balio ditu, baina 3 edo 4 pertsonetako taldeak sortzen badira, merkeagoa izango da. Izena emateko interesa duten pertsonek 07894500765 (Agurtzane) telefonora deitu edo hona idatz dezakete.
Lagun bati bidali
Komentarioa gehitu
