Igandean, urriaren 11an, berriz, Las Vegaseko 45. Euskal Besta izango da 2026ko piknik sasoiko azkena, Las Vegasko Lagun Onak Euskal Etxea antolatzaile. Eguna 11etan hasiko dute, Kaliforniatik etorritako aita Antton Egigurenek emango duen mezarekin, euskaraz eta ingelesez (online zuzenean AEBko Artzain Ona euskal elkarte katolikoaren Facebookean ikusgai, EHko 20:00etan); ondotik akordeoi saio herrikoia jendeari euskal kantu zahar eta berriak kantatzeko aukera emanez, tartean aperitifa, eta gero bazkari herrikoia. Hau guztia Las Vegas ondoan dagoen Spring Mountain Ranch State Park inguru ederrean. Eta bazkalostean mus partidak eta dantza apur bat hala nahi duenarentzat akordeoiaren musikaz, parke publikoko ateak ixteko tenorea hurbiltzen joan arte.
Lagun bati bidali
Komentarioa gehitu
