Larunbat honetan, uztailaren 16ean, Lagun Onak elkarteak San Fermin eguneko festa egingo du. Ekitaldiak 16:30tan hasiko dira, txupinazoarekin, Puyrredón eta San Nicolas kaleen bidegurutzean. Ondoren, danborrada aterako da, eta dantza erakustaldiak eskainiko dituzte Lagun Onakeko dantzariek eta Chababucoko Guillermo Larregui Euskal Etxeko dantzariek, aurtengo ohorezko gonbidatuek.
Ondoren, 19:30 meza elizkizuna egingo da Nuestra Señora de la Merced parrokian, eta gero festa euskal etxera pasako da. Han afaria egingo dute elkarteko kide eta lagunek eta ondoren erromeria egingo da goizaldeko ordu txikiak arte.