euskalkultura.eus

Gaur asteartea, 2010eko maiatzaren 18an, arratsaldeko zazpi t'erdietan, hitzaldia emango du, Euskal Herritik etorri berria, Juan Migel Gutierrez zinegileak, "ikusentzunezkogintza euskararen irakaskuntzan gaur egun" gai harturik, Euskaltzaleak-en egoitzan (Mexiko 1880, Hiriburu Federala).

Juan Migel Gutierrez (Errenteria, 1945) pertsona ezaguna da euskal zinema alorrean. Besteak beste eta gaurko hitzaldiko gaia izango den euskararen irakaskuntza alorrean, bideo didaktikoetan alegia, HABEren 'Bai Horixe' sorta mitikoa egin zuen; bestela ere dokumentalak egin ditu, labur eta luzemetraiak, zine kritikaria ere izan da eta euskal zinemagintza aztertu, ikertu eta landu duen pertsona.