Josu Larrinagak 'La música basca: l’actitud punk i la sensibilitat pop' hitzaldia dakar Bartzelonako EH Sona jaialdiaren programaren barruan. Euskal musika herrikoiaren historian barna eginiko ibilbide sintetiko batean, hirurogeigarren hamarkadako folk bakarlarietatik hasi eta mende berriko abangoardieneko taldeetaraino zera ikusten dugu, euskararen inguruko doinuak pop sentsibilitatearen (kantak egunerokotasunarekin, gertukoarekin, jendearen bizitzarekin lotzen dituena) eta punk jarreraren artean (musikariak iraultzara, konformaezintasun eta dekonstrukziora eramaten dituena baina baita ere do it yourselfera) mugitzen direla. Hau konstante bat izango da euskal gizarteak modernotasun aurreratuan eginiko bide propioa islatzen duen historian. Gai hau eta beste asko jorratuko ditu Josu Larrinagak.
Hitzaldia 20:00etan izango da Euskal Etxean. Sarrera doakoa da.
Lagun bati bidali
Komentarioa gehitu
