Asociacion Española Sociedad Italiana eta Alianza Francesa Centro Vasco elkarteek antolatuta, "Immigrantearen Eguna" ospatuko dute Lapridan irailaren 9an, igandean. Goiza ekintzaz josirik hasiko dute: hasteko, bandera altxatzea, Argentinako ereserkia, hitzaldia, diplomen entrega, lore-eskaintza eta plazako kartelen bedeinkapena egingo dira; eta ondoren, dantzen (gautxoak, euskaldunak eta espainiarrak) eta jaki tradizional eta edarien salmentaren ordua izango da.
Bestalde, arratsaldean frantses eta euskaldunen erakusketa zabalduko dute. Argentinako banderaren eta beste herrialdeetako banderen altxatzearekin amaituko dute jaialdia, Kolektibitateen Plazan.
Lagun bati bidali
Komentarioa gehitu
