Asteburu honetan, irailaren 27 eta 28an, Txikien --6 eta 15 urte arteko umeentzako-- II. Topaketa egingo da Coronel Pringleseko Eusko Biltzar euskal etxean, Mitre kaleko 250. zenbakian. Bertako Beti Dantzari taldeak antolaturik, ekitaldia larunbat goizean hasi eta igandeko arratsaldean bukatuko da.
Topaketarekin batera gaupasa egitera gonbidatzen ditu euskal etxeak bisitariak. Gaua euskal etxean bertan pasako dute, kanping dendetan. Bi egunetan zehar, jolas, kanta eta dantza egingo dute partaideek.